La Conceyalía d'Igualdá del Conceyu d'Avilés programa 7 talleres de baldre pa muyeres empadronaes nel Conceyu, que se van dar dende xineru a marzu de forma presencial na Casa les Muyeres (c/ La Ferrería 27). Tendrán preferencia les muyeres que nun fixeren el taller n'otra ocasión.
Nesta edición la temática abarca conteníos de creatividá, escritura, oratoria, desarrollu emocional, usu de móviles y tablets, autocuidáu y fortalecimientu personal. Cada taller tien 15 places.
El plazu pa preapuntase entama'l xueves 26 de xineru hasta que s'enllenen les places y podrá facese per corréu electrónicu n'igualdad@aviles.es o de manera presencial na Casa les Muyeres, poniendo cuál ye'l taller nel qu'hai más interés pa facer.
L'añu pasáu ficiéronse 26 talleres y participaron más de 360 muyeres. Na programación hai conteníos nuevos xunto a dalgunos otros que tuvieron munchu interés n'ediciones d'enantes.
- Taller d'Intelixencia emocional (16 hores)
Descripción: ¿Qué ye la intelixencia emocional? A lo llargo de les diferentes sesiones podrás dir meyorando les tos competencies emocionales, analizar los sentimientos qu'influyen na toma de decisiones; deprenderás a conocer les tos fortaleces y debilidaes; y a desarrollar la meyor versión de ti mesma.
Feches: del 30 de xineru al 27 de marzu (esceutu'l 20 de febreru), llunes de 10:00 a 12:00 hores.
- Taller de Mindfulness (16 hores)
Descripción: ¿Qué ferramienta podemos usar pa deprender a vivir equí y agora? Esti taller va dexate conocer los recursos internos pa enfrentanos al estrés, l'ansiedá y la depresión; podrás pensar no que ta pasando y en contestar d'una manera bona.
Feches: dende'l 31 de xineru al 28 de marzu (menos el 21 de febreru), martes de 17:00 a 19:00 hores.
- Taller d'escritura creativa "Texendo palabres" (16 hores)
Descripción: ¿Quies deprender a escribir y facer una historia? Nesti taller vas conocer dellos recursos y teúniques de manera práutica, vas anilazar la estructura de dalgunos testos y podrás usar les palabres pa espresar emociones, alcordances, vivencies.
Feches: del 1 de febreru al 29 de marzu (menos el 8 de marzu), miércoles de 10:00 a 12:00 hores.
- Taller "La maxa de la creatividá" (16 hores)
Descripción: ¿Quies esplorar el to potencial creativu? ¿Qué retratu faes de ti mesma? Nestes sesiones vas usar l'arte como preséu pal crecimientu personal, y vas trabayar nes alcordances y esperiencies al mesmu tiempu pa fortalecete en grupu.
Feches: del 2 de febreru al 23 de marzu, xueves de 10:00 a 12:00 hores
- Taller d'oratoria y emociones pa falar en públicu (16 hores)
Descripción: ¿Quies esperimentar coles capacidaes espresives de la voz? ¿Y del cuerpu? En toes estes hores vas deprender a espresar emociones, lo que sientes y cómo lo dices, too ello col xuego y pasándolo mui bien.
Feches: del 2 de febreru al 30 de marzu (meno el 16 de febreru), xueves de 17:00 a 19:00 hores.
- Taller "Pa tolo que sirve'l to teléfonu móvil" (12 hores)
Descripción: Nesti taller prácticu vas deprender a usar varies ferramientes del móvil: crear recordatorios y cites n'axenda, organizar el calendariu, consultar y crear sitios no que tar, traductor, descargar archivos de la nube, organización de carpetes, métodos de pagu (Bizum y PayPal), redes sociales del Conceyu d'Aviles, TokApp, Telegram, servicios en llinia, ...
Feches: del 28 de febreru al 16 de marzu, martes y xueves de 17:00 a 19:00 hores
¿Qué se necesita?: teléfonu móvil (smartphone) y/o tablet pa practicar dende'l to propiu dispositivu.
- Taller " Ponte al día col to teléfonu móvil" (12 hores)
Descripción: Nesti taller prácticu vas deprender a usar lo más básico: recibir y mandar correos electrónicos, redes sociales, sentir la to música favorita, pasalo bien con vidios y películes, comprar, scar una entrada, reservar o tramitar dalgo, alta n'AsturSalud, conocer les actividaes y recursos que tien el Conceyu d'Avilés nes sos redes sociales.
Feches: del 14 al 31 de marzu, martes y vienres de 10:00 a 12:00 hores
Requisitos: teléfonu móvil (smartphone) y/o tablet pa practicar nel to propiu dispositivu.
DATOS NECESARIOS PA PREAPUNTASE
NOME Y APELLÍOS..................................................................................................
DNI...................................................................................................
FECHA DE NACIMIENTU...............................................................
TELEFONU.....................................................................................
CORRÉU ELECTRÓNICU................................................................................................
- Igualdad