Contacto

La Conceyalía d'Igualdá del Conceyu d'Avilés programó 8 talleres de baldre pa muyeres empadronaes nel conceyu, que se van dar dende setiembre a avientu de manera presencial na Casa de les Muyeres (C/ La Ferrería 27). Van tener preferencia les muyeres que nun fueren a esti taller enantes.

Nesta edición la temática tien conteníos de diversidá cultural, la importancia de los referentes femeninos nel arte, la salú, el autocuidáu, el desenvolvimientu corporal, el fortalecimientu emocional. Cada taller dispón de 15 places.

El plazu de pre-inscripción empieza güei hasta cubrir les places y podrá realizase per corréu electrónicu en igualdad@aviles.es o de manera presencial na Casa de les Muyeres, indicando por orde de prioridá los talleres que se soliciten, siendo trés talleres como muncho por cada solicitú.

Nesti tiempu ficiéronse yá 15 talleres y participaron más de 200 muyeres. Como novedá preséntense los cursos "Cuerpu emocional", "Cómo nun ser perfeuta y querese igual", "Y elles qué pinten" y "Cómo fortalecenos sicolóxicamente frente a los acontecimientos traumáticos".

Llistáu de talleres

Taller "Cuerpu emocional"

Conteníos: Reflexón sobre viven les muyeres el so cuerpu, crecedera personal y autocuidáu.

Feches: Del 27 de setiembre al 22 de payares.

Horariu: Martes de 10:00 a 12:00 hores.

Duración: 16 hores.

Taller "Muyer en distintes cultures, coetanees y diverses"

Conteníos: un viaxe pela diversidá cultural y l'empoderamientu de muyeres nun percorríu per España, Mongolia, Etiopía, Namibia, Xordania, Canadá, Perú y Benín.

Feches: Del 30 de setiembre al 18 de payares.

Horariu: Vienres de 10:00  a 12:00 hores.

Duración: 16 hores.

Taller "Marcha Nórdica"

Conteníos: recuperación de la biomecánica natural, bracéu y coordinación; educación postural, de pies y caminando; meyora de la forma d'andar pa nun sobrecargar nin el llombu y nin les articulaciones.

Feches: Del 1 d'ochobre al 10 d'avientu.

Horariu: Sábados, sacante'l 26 de payares,  de 10:00 a 11:30 hores.

Duración: 15 hores.

Sitiu: Plaza de Santiago López  

Requisitos: ropa deportivo, nun ye necesario tener bastones. 

Taller "Cómo nun ser perfeuta y querese igual"

Conteníos: la importancia de les emociones positives; evitar los sentimientos de culpa y ser quien a desenvolver la mesma identidá con perceiciones reales.

Feches: Del 4 d'ochobre al 29 de payares.

Horariu: Martes de 17:00 a 19:00 hores.

Duración: 16 hores.

Taller "Cómo fortalecenos sicolóxicamente frente a los acontecimientos traumáticos"

Conteníos: téuniques y claves pa faer frente a los cambios y la dulda

Feches: Del 5 d'ochobre al 30 de payares.

Horariu: Miércoles de 10:00 a 12:00 hores.

Duración: 16 hores.

Taller "Deseyu y muyer"

Conteníos: trabayu sobre la sexualidá femenina, el deséu y el placer y la reflexón sobre los tabúes de la sexualidá femenina nes distintes etapes de la vida.

Feches: del 5 d'ochobre al 30 de payares.

Horariu: Miércoles de 17.00 a 19.00 hores.

Duración: 16 hores.

Taller d'arte "Y elles qué pinten"

Conteníos: Historia l'Arte con perspeutiva de xéneru; el papel de la muyer nel panorama artísticu; analís d'obres d'arte protagonizaes por muyeres y estudiu de delles de les grandes maestres del arte del pasáu.

Feches: Del 6 d'ochobre al 1 d'avientu, sacante'l 20 d'ochobre y el 24 de payares.

Horariu: Xueves de 17:00 a 19:00 hores.

Duración: 14 hores.

Taller d'Autodefensa

 Conteníos: midíes de protección y téuniques pa la seguridá personal; control  del estrés; evaluación de situaciones y resolvimientu con téunica o táutica.

Fecha: del 7 d'ochobre al 25 de payares.

Horariu: Vienres de 17:00 a 19:00 hores.

Duración: 16 hores.