Contacto

La conceyalía d'Igualdá del Conceyu d'Avilés entama na Casa les Muyeres, 'Mamibaile', una actividá de baldre y nueva na programación. Pensóse nella pa les muyeres que tán preñaes o les madres que van cola so reciella, ensin falta de tener esperiencia nenguna baillando, porque lo que se quier algamar ye que con coreografíes seles y adautaes, trabayen el cuerpu de forma segura, meyoren la moviilidá, frotalezan els uelu pélvicu y que coordinen too eso cola respiración, ente otros beneficios.

Les muyeres que participen podrán disfrutar d'un sitiu únicu onde'l movimientu, la música y la xuntura s'entemezan. Ente los beneficios que se pretenden algamar ye'l de dase cuenta del movimientu seguru, la xuntura col neñu o neña, la meyora del estáu emocional y dir baxando l'estrés, amás de rellacionase con otres families y de pasalo bien cola música y el baille. Nun ye sólo una clase de baille, ye un momentu tranquilu pa les madres, pa que se sientan fuertes y acompañaes y puedan disfrutar d'una maternidá sana y en movimientu.

Hai 15 places y l'actividá va ser los vienres llaborables del 6 de febreru al 28 de mayu, de 12:30 a 13:30 hores. 

Les muyeres interesaes pueden pueden apuntase online rellenando y mandando'l  formulariu que  ta clacando nesti enllaz:

https://forms.office.com/e/8RTmmjU2pV

Tamién se pueden apuntar o pidir información diendo a la Casa les Muyeres (C/ La Ferrería, 27).