Contacto

La imaxen de catedral de la Ilesia de Santo Tomás de Cantorbery (conocida popularmente como Santo Tomás de Cantorbery o tamién  ilesia nueva de Sabugo) ye una xuntura de la modernidá, crecimientu urbanu y tamién demográficu que vivió l'antigua villa marinera a últimos del sieglu XIX, terminando asina l'ensanche burgués de la nueva ciudá.  

   
La ilesia románica de Sabugo, el barriu marineru más vieyu d'Avilés, quedare pequeñu pa tolos y toles feligreses que tenía. Movilizóse tola ciudá pa contruyir una ilesia nueva qe fuere símbolu del progresu que se vivía daquella n'Avilés: el Conceyu, la burguesía llariega y incluso los emigrantes avilesinos que taben en Cuba nun duldaron en dar perres y puxar pa que'l proyeutu fuere p'alantre.  

Col dineru que dio la xente a nivel particular, les empreses y tamién les fundaciones, la ilesia tien dende l'añu 2010 un órganu sinfónicu, obra del constructor Federico Acitores, el segundu más grande d'Asturies, dempués del de la Basílica de Covadonga. 

Lignum Crucis: dende que nel añu 1953 recibiera, por mediación del obispu Lauzurica, un cachu del Lignum Crucis que se conserva nel Monasteriu de Santo Toribio de Liébana (Cantabria), ésta pasó a ser l'ayalga y el símbolu de la Cofradía de Nuestra Señora de la Soledá y la Santa Vera Cruz, que venera dende siempre a la Virxen, nesti casu a Nuestra Señora de la Soledá. L'astiella de madera ta nuna estructura de madera de castañal, fecha pol ebanista Paco Cueva.