Contacto

Actividaes culturales y lúdiques pa puxar pola xuntanza. Con esta idea yá tán en marcha les actividaes del programa navideñu del proyeutu del barriu de La Carriona: “La Carriona ente toos y toes”. Les actividaes desenvuélvense nel Centru Sociocultural de La Carriona y tán abiertos a tolos pùblicos.

Amás de teatru, pa que participe tol barriu hai organizaes seis sesiones de cuentacuentos. La siguiente cita sedrá'l vienres 29 con cuentacuentos, esposiciones y música n'horariu de mañana y tarde. Usaráse'l cuentu y l'arte como metodoloía educativa y como canal de participación ciudadana, intentando involucrar asina al vecindariu del barriu, asina como a la comunidá educativa del colexu de La Carriona.

El llibru que se va usar  como ferramienta y filu conductor de la xornada intercultural sedrá: "Cuento de Navidad, leyendas y tradiciones de todo el mundo” Editorial Biblok.

Les siguientes cites, coles cuatro sesiones de cuentacuentos que queden, sedrán el xueves 12 d'avientu y el vienres 13 d'avientu y va pesllase'l sábadu 14 con un xornada especial de Navidá. Una folixa de xuntanza na que habrá una sesión de teatru especial, l'espectáculu de música 'Canta con nosotros' y la danza taller 'Crea con tus manos: regalo de la amistad'.

Programación

• Vienres 29 de payares Cuenta cuentos, esposición y música
  • 11:30-13:30 hores El pájaro parlante
  • 17:30-18:30 hores El hombre de jengibre

• Xueves 12 d'avientu Cuenta cuentos, esposición y música
  • 11:30- 13:30 La flot de noche buena
  • 17:30-18:30 Las monedas de San Nicolás

• Vienres 13 d'avientu Cuenta cuentos, esposición y música
  • 11:30-13:30 El trineo de Keila
  • 17:30-18:30 La piedra de Sain-Mirel

• Sábadu 14 d'avientu Folixa pa la xuntanza
  • Teatru Especial Navidá
  • Música 'Canta con nosotros'
  • Danza taller 'Crea con tus manos: regalo de la amistad'