Contacto

L'últimu ciclu de 2022 del Cine de los Martes d'Avilés ofrez seis películes nueves hasta'l final d'añu, nos meses de payares y avientu. La cinematografía n'español sedrá la gran protagonista, con tres producciones españoles y una arxentina, completando'l programa cn una noruega y otra británica.

Organizáu pola conceyalía de Cultura d'Avilés, les entraes, a 3 euros, tán a la venta nes canales de siempre, la taquilla de la Casa la Cultura y la web https://uniticket.janto.es/palaciovaldes/.

Calidá y bon preciu pa les seis películes más nueves, que van del drama a la comedia, y en versión orixinal,  sotitulada nes que corresponda, que se pueden ver la primer vez n'Avilés.

La primera, abriendo ciclu'l martes que vien, día 8 de payares, correspóndese cola aclamada "Argentina, 1985"dirixida por Santiago Mitre y protagonizada por un Ricardo Darín pletóricu, nuna actuación inolvidable, entregáu a la causa d'alcordase de los crímenes de la última dictadura arxentina.

Dempués el 15 de payares sedrá "Ali y Ava". Escrita y dirixía por Clio Barnard, ye una historia enmarcada dientro'l realismu social perbien retratáu na cinematografía británica, na que la pasión pola música va ser lo que xuna los dos protagonistes. El Día 22, dende Noruega va llegar la película comedia "Tol mundu odia a Johan", dirixía por Hallvar Witzø.

El ciclu pésllenlu tres obres, qu'acaben de salir del fornu, de tres de los direutores con una mirada más personal dientro del cine español d'anguaño.

La primera, "Tornasoles silvestres", la sétima película de Jaime Rosales, va llegar el 29 de payares, y va centrase na vida de Julia, la protagonista, y la so busca de la felicidá, encarnada por una Anna Castillo alabada otra vegada más pola so interpretación.

El 13 d'avientu va llegar "La consagración de la primavera", de Fernando Franco y la rellación qu'hai ente Laura, una estudiante universitaria interpretada por Valeria Sorolla, y David (Telmo Irureta), una moza con parálisis cerebral que vive cola madre, Isabel (Enma Suárez).

Y pa terminar, un thriller, de la mano del maestru del xéneru Rodrigo Sorogoyen. Una pareya francesa va a vivir a una aldea gallega y dempués de lo idílico del primer momentu, les tensiones acaben españando. Sedrá'l 20 d'avientu.

La hora de les películes ye a les 20:15.

Munchu públicu fiel

El Cine de los Martes cuenta con un público fiel, que acude al Auditorio de la Casa de Cultura a disfrutar de propuestas que llegan por primera vez a la ciudad. Así, las cuatro anteriores proyecciones, que reabrieron el ciclo tras el verano, sumaron 768 asistentes en septiembre y octubre.

El Cine de los Martes tien un públicu fiel, que va al Auditoriu de la Casa la Cultura pa disfrutar de propuestes

La meyor entrada foi pa "Bona suerte, Leo Grande", cola emponderada interpretación d'Emma Thompson, con 276 persones nel Auditoriu de la Casa la Cultura. Siguió la comedia "Una historia d'amor italiana", con 178 asistentes. Y tanto "Ente valles" como "Fueu d'amor" tuvieron 157 caúna.

Calendariu de películes:

• Martes 8 de payares: Argentina, 1985
• Martes 15 de payares: Ali y Ava
• Martes 22 de payares: Tol mundu odia a Johan
• Martes 29 de payares: Tornasoles silvestres
• Martes 13 de payares: La consagración de la primavera
• Martes 20 de payares: Les besties

Programación Cine de los Martes payares-avientu 2022

ARGENTINA, 1985 (8 de payares)

Ficha Téunica:

Títulu Orixinal: Argentina, 1985

Nacionalidá: Argentina

Añu: 2022

Duración: 140 min.

Direutor: Santiago Mitre

Guion: Santiago Mitre, Mariano Llinás

Semeyes: Javier Juliá

Música: Pedro Osuna

Montaxe: Andrés P. Estrada

Intérpretes: Ricardo Darín, Peter Lanzani, Alejandra Flechner, Carlos Portaluppi, Norman Briski, Héctor Díaz, Alejo García Pintos, Claudio Da Passano, Gina Mastronicola, Walter Jakob, Laura Paredes

Argumentu: Argentina, 1985 ta inspirada na historia real de Julio Strassera, Luis Moreno Ocampo y el so equipu jurídicu mozu que s'atrevieron a acusar, contra vientu y marea, a la trágala y con amenaces tol tiempu, a la más dictadura militar arxentina más sangrienta. Una batalla de David contra Goliat, colos héroes que menos s'esperen.

Premios y esbilles:

Premiu FIPRESCI del Festival de Cine de Venecia 2022

Premiu del públicu nel Festival de Cine de San Sebastián 2022

Dixeron d'ella:

“Lo que pasó ye tan descomunal, tan doloroso, tan lliteral, que cualquier enfotu d'estilu queda lamináu pola dureza de lo evidente. Una película que, sobre too, duel de simple y puru dolor.” Luis Martínez (El Mundo)

“Nun tien mieu a ser lo que ye: una película política qu'apela a la emoción del espectador per aciu d'un personaxe que lo acapara casi too y que sólo un actor de la talla de Ricardo Darín puede llevar a bon puertu.” Elsa Fernández-Santos (El País)

“Emocionante thriller políticu basáu en fechos reales. Con una comprometida actuación de Ricardo Darín, digna de tolos premios, esta película tensa y llarga ye de  lo meyor del xéneru.” Fionnuala Halligan (Screendaily)

“Cuando'l cine se vuelve asina d'inmensu y universal, sólo queda dexase llevar pola reflexón, el disfrute y la euforia. Emotiva, cómica, impecable: Darín eleva una de les meyores películes del añu.” Janire Zurbano (Cinemanía)