La Conceyalía de Memoria Democrática entama dos actos pa festexar mañana martes, 14 d'abril, la proclamción de la Segunda República Española de 1931.
El primeru sedrá nel Cementeriu La Carriona a partir de les 12:30 hores, como homenxe y reconocimientu a les persones asesinaes n'Avilés y la redolada. L'actu contará cola presencia de la conceyala de Memoria Democrática, Ana Solís.
Pela tarde, ente les 20:00 y les 21:00 hores, la plaza España acoyerá l'actu d'homenaxe a la Segunda República y a la llucha antifascista. Participarán nél, vecinos y vecines d'Avilés, dalgunos y dalgunes son familiares de persones represaliaes pola dictadura franquista.
L'acto tendrá música en direutu a cargu de los músicos Maxi Compán y Rafa Kas, integrantes del grupu de punk rock avilesín Fe de Ratas, ue van interpretar un repertoriu inspiraáu en canciones de la época como 'Bandera Roja', 'Ay Carmela', 'El Puente de los Franceses', 'El quinto regimiento', 'La Republicana', 'Gallo rojo, gallo negro', 'Bella Ciao', 'Marcha de las Brigadas Internacionales', 'Querida Clara' o 'Aida de la Fuente'.
L'oxetivu d'esti actu ye valorar los derechos y llibertaes que s'algamaron la primer vez cola llegada de la Segunda República, asina como recordar cómo foi la so proclamación n'Avilés. Un momentu históricu qu'hubo d'esperar hasta les 21:00 hores, cuando s'izó la bandera tricolor nel balcón de la Casa la Cultura.
La conceyala de Memoria Democrática, Ana Solís, convida a esti actu a tolos vecinos a toles vecines d'Avilés y la redolada que sientan que tienen un compromisu colos valores democráticos: "Queremos festexar el Día de la República como ficieron nel so día los avilesinos y avilesines, enllenando'l Parche d'allegría y esperanza".
- Memoria Democrática