Contacto

La conceyalía de Mocedá del Conceyu d'Avilés llanza'l proyectu "Faciendo Redes", de fomentu del voluntariáu solidariu ente les persones nueves. Xunta iniciativa que propón la creación y formación d'un grupu de voluntarios y voluntaries d'ente 18 y 30 años, pal sofitu mutuu ente pares, motivaos pa dedicar el so tiempu de forma altruista a moces con menos oportunidaes.

Fresentólu Raquel Ruiz, conceyala de Mocedá d'Avilés; Nuria Delmiro, conceyala de Promoción Social, y el coordinador del proyeutu, Fabio Meazza. Destacó Ruiz la importancia de "la creación de redes de sofitu mutuu que dexen ufiertar alternatives a les persones nueves con menos recursos".

El grupu de voluntarios y voluntaries que se forme, acompañaos pol coordinador del proyectu, van desenvolver actividaes d'ociu y espacios d'alcuentru ente mozos. Como señaló la edil, "creemos firmemente na capacidá tanto de les actividaes d'educación non formal, como del deporte y ociu activu, pa desenvolver les competencies básiques de les persones nueves, al empar de que se creen coleutivos con más xuntura, onde la dinámica de rellación fortalez les potencialidaes d'usuarios y usuaries".

Los oxetivos del proyeutu son estos:

. Impulsar el voluntariáu ente les persones nueves

. Fomentar el deporte ente los colectivos menos favorecíos o con menos oportunidaes

. Xenerar nuevos espacios d'alcuentru pa la mocedá

. Crear una rede de sofitu ente los y les moces de la ciudá con menos oportunidaes

El programa destínase, per un sitiu, a les persones nueves con menos oportunidaes, que pueden ser integrantes de programes municipales d'intervención, como'l Proyectu Transit o'l Proyectu d'Educación de cai, derivaos de los Equipos d'Orientación Educativa de los IES del conceyu, etc.

Y per otru llau, faise un llamamientu a que se formen nel proyeutu nuevu del grupu "rede", esto ye, deportistes, voluntarios y voluntaries d'europa y mocedá llariego pa que s'animen a facer actividaes de voluntariáu.

Tol mundu va participar nun procesu d'aprendizaxe p'acompañar a otres persones nueves con perfiles d'inclusión, pa lo cual va dáse-yos formación en creatividá, deporte y inclusión social, col correspondiente certificáu, pudiendo asina participar n'actividaes de voluntariáu nel Serviciu de Mocedá del Conceyu.

Apuntase ye de baldre, hasta final de mes al traviés del WhatsApp nel teléfonu 644 790 430 (Fabio Meazza). Y el procesu formativu va desenvolvese en cinco sesiones nel Patiu de Mocedá, nos meses de payares y avientu.