Contacto

La Conceyalía de Normalización Llingüística del Conceyu d'Avilés per aciu de la Estaya de la Llingua sigue cola so ufierta  de talleres de manualidaes "Pa que nun t'aburras" pa la población infantil, que se van facer nos vienres de los meses de marzu, abril y mayu, de 18:00 a 19:30 hores. Los talleres son de baldre. En total son nueve nos centros socioculturales que cubren praúticamente tolos barrios de la ciudá (Versalles, La Carriona y La Xungarosa/El barrio de La Luz) y son pa neños y neñes de 4 a 8 años.

La iniciativa presentóla güei pela mañana en rueda de prensa'l conceyal de Normalización Llingüística, David García, que tuvo acompañáu por Rosa Cuervo, que ye quien va guiar los talleres. Ye educadora infantil y miembru de l'Asociación Aladanza.

Les manualidaes présten-yos muncho a neños y neñes, porque asina pueden echar el so maxín a volar, pola llibertá creativa y tamién, porque pueden desenvolver les sos artes, algamando una cierta autonomía personal.

Son 15 places por taller --un total de 145 places-- y pa participar hai d'apuntase nes  biblioteques de cada centru, per  whatsapp nel teléfonu 634 82 16 13, o pel corréu electrónicu en: estayallingua@aviles.es

Esti ciclu de manualidaes entama yá esti viernes 15 con 'Cuentos  con mucho arte' onde los neños y neñes podrán dir descubriendo la historia de Nora, con  figures a base de pasta de sal.

'De la cueva a la choza'  ye otru de los talleres onde los y les participantes con piedres y plastilina nan pasar un tiempu prestosu deprendiendo un poco cómo se pasó de vivir de les cueves a les choces.

Y el tercer taller que dirá rotando pelos diferentes centros, como los anteriores, ye  'Un aperitivu prehistóricu', onde entamando primero a decorar una cuchara mui especial con motivos rupestres, dempués va usase para tastiar nueces, miel y otros frutos de la viesca.

Calendariu:

'Pa que nun t'aburras', Ciclu de talleres de manualidaes

Cuentos con muchu arte

Nora, la neña de sal, con figurines feches de pasta de sal, neños y neñes van descubriendo la historia de Nora

15 de marzu La Carriona
22 de marzo La Xungarosa/El barrio de La Luz

5 d'abril Los Canapés

Viaxando nel tiempu.

'De la cueva a la choza',  usando piedres y plastilina construiráse un dolmen y dalguna chocina

12 d'abril La Carriona

19 d'abril La Xungarosa/La Luz
3 de mayu Los Canapés

'Un aperitivu prehistórico' , decoramos una cuchara al estilu prehistórico pa después usala pa tastiar nueces, miel y otros frutos de la viesca.

10 de mayu La Carriona
17 de mayu La Xungarosa/El barrio de La Luz
31 de mayu Los Canapés

(De 18:00 a  19:30 hores)