Ayuda
Taller de baldre "Self: Espoxigue personal. Dibuxu y narrativa, cantu y autodefensa"
Factoría Cultural d'Avilés, 25 d'ochobre a 23 d'avientu de 2022
En collaboración cola Federación Española d'Universidaes Populares, al traviés del programa pal desendolcu d'actividaes d'interés xeneral consideraes d'interés social 0,7 (añu 2021), la Factoría Cultural d'Avilés, dará a partir del día 25 d'ochobre de 2022 el taller de baldre "Self:Espoxigue personal. Dibuxu y narrativa, cantu y autodefensa".
El primer oxetivu d'esti taller centraráse en puxar pol autocuidáu personal y emocional de los sos participantes afondando en disciplines artístiques diferentes.
¿Ónde se da?
Factoría Cultural d'Avilés. Avenida de Portugal nº 13 d'Avilés.
¿Cuánto dura?
80,5 hores llectives. 23 xornaes de trabayu. Dende'l 25 d'ochobre hasta'l 23 d'avientu de
Conteníos
Bloque 1. Espresión al traviés del arte: Dibuxu y narrativa. (20 hores llectives)
Profesora: Raquel Lagartos Ibáñez.
Principios básicos del dibuxu y la narrativa. Desendolcu d'una historia curtia autobiográfica narrada en viñetes. Reflexón sobre los micromachismos presentes na vida de tolos díes.
Bases del dibuxu: La figura humana: los oxetos queden reducíos a formes básiques. Dibuxu del natural.
La narrativa nel cómic: La composición na viñeta. La composición na páxina. Guiando'l güeyu del llector. El raccord.
Proyeutu final: Estructura de la historieta curtia. Del guion al storyboard.
Bloque 2. Espresión al traviés del arte: Voz y cantu. (20 hores llectives)
Profesora: Iván López Cid.
Téuniques d'espresión musical. Espresión oral: Calentamientu y control vocal. Trabayu d'intensidaes. Conocimientu sobre'l rexistru vocal. Preparación d'una canción por parte de cada participante. Conocimientu d'estilos musicales en función de l'armonía.
Bloque 3. Sicoloxía y defensa personal. (31 hores llectives)
Profesores: José Manuel Alonso Martínez y Raquel Álvarez Ocio.
Defensa personal: fomentu de la seguridá en sí mesmes. Nociones básiques de güelpes y bloqueos. Téuniques: vuelta del codu, hombru y muñeca. Puntos de presión. Frañedures básiques y cencielles. Sicoloxía: Identificación de males formes d'actuación, xestión emocional. Violencia de xéneru.
Viaxe pa dientro: autoconocimientu y sofitu mutuu. Diendo a alcontrase con ún mesmu y colos otros escuchando y cola espresión creativa y el movimientu.
Bloque 4. Coaching personal y Marketing. (10 hores llectives).
Marketing con perspeutiva de xéneru. Finxos del Marketing Dixital Feminista. Marketing y comunicación de productos culturales.
Númberu de persones destinataries y perfil
15 participantes.
Tiempu y cómo hai qu'apuntase
Dende'l día 19 d'ochobre de 2022 hasta'l día 24 de ochobre de 2022 llamando al teléfonu 985548617, presencialmente, diendo a la Factoría Cultural d'Avilés (Avenida de Portugal nº 13) o mandando un corréu electrónicu a ssanchezp@aviles.es poniendo'l nome y apellíos, númberu de teléfonu y númberu del documentu nacional d'identidá.
- Cultura