Contacto

La Casa de les Muyeres d'Avilés
La Conceyalía d'Igualdá ufierta dende'l pasáu mes de setiembre tolos sos servicios nes instalaciones de la nueva Casa de les Muyeres. L'edificiu , ye un empréstamu del Principáu d'Asturies al empar d'un conveniu robláu poles dos alministraciones y va allugar los servicios municipales d'Igualdá y los programes empobinaos a les muyeres d'Avilés y la Contorna. 

Pol so allugamientu en plenu centru del cascu históricu, les sos carauterístiques, la so unidá y la so capacidá pa responder a les necesidaes del serviciu, la nueva Casa de les Muyeres ye'l  centru de referencia de les polítiques d'igualdá de xéneru na ciudá.

La puesta en serviciu d'esta nueva sede débese a la modernización del aria d'Igualdá y a la dotación de nuevos profesionales, que tuvo llugar nos últimos meses, lo que va dexar ufiertar más y meyores servicios.

L'equipu d'Igualdá del Conceyu d'Avilés compónenlu estes persones: 
•    Lucía Fernández Ron, concejala 
•    Paloma Beatriz Martínez Suárez, responsable xurídica del Centru Asesor de la Muyer d'Avilés
•    David del Cantar Alonso, xefe de seición d'Igualdá
•    Marta Elena García López, coordinadora de les Casa d'Alcuentru de les Muyeres
•    Silvia Eres Meneses, auxiliar alministrativa

•    Selma Fernández Cuervu, conserxe

La Casa de les Muyeres d'Avilés acueye los siguientes servicios:

•    Casa d'Alcuentru de les Muyeres: centru p'aconceyase, qu'ufierta un espaciu común pa que les muyeres puedan charrar, comunicase, alcontrase y  aldericar. Tien un espaciu pa facer talleres y actividaes, y una sala pa xuntes y atención a grupos, asociaciones y muyeres.

•    Centru Asesor de la Muyer: ye un preséu d'información y asesoramientu de baldre que tien l'envís de solucionar cualquier dulda o problema que se-yos planteguen a les muyeres d'Avilés, Castrillón y Illas. Dende'l centru ufiértase información y asesoramientu xurídicu.

•    Sala d'espera que nun se pue ver dende fuera: coles mires de garantizar la máxima confidencialidá pa les muyeres, pa que seya más fácil contar la so situación y decidir denunciala, nel so casu, según pa poder recibir información y asesoramientu de forma segura y discreta.

•    Sala de xuntes: puede faese usu del mesmu si lo soliciten entidaes venceyaes col fomentu de la igualdá de xéneru pa celebrar xuntes y promover l'asociacionismu.

•    Sala polivalente: la Casa de les Muyeres cuenta con un espaciu onde les muyeres y asociaciones de muyeres pueden allegase pa realizar actividaes y talleres de participación social de les muyeres.

•    Centru de Documentación y Escuela de Feminismu: espaciu pa l'almacenamientu, allugamientu, ordenación y disposición de 5.000 volumes, según un espaciu pa poder consultalos. Tratar d'un espaciu únicu por disponer d'exemplares que nun esisten en biblioteques, nin siquier n'otros centros de documentación d'Asturies.

•    Club de Llectura Una habitación propia”: dende l'entamu de la so actividá en 2011 consiguieron crear un ampliu grupu de muyeres qu'incentiven la participación, la llectura y la reconocencia al llabor creativu de la muyer en redol a la llectura y la xeneración de conocencia. Para'l so desenvolvimientu dispon d'un aula para les sos sesiones y actividaes.

•    Sala d'esposiciones: espaciu p'acoyer esposiciones temporales, especialmente aquelles que se celebren de forma periódica con ocasión de los díes de reconocencia social del papel de la muyer y de la reivindicación de los sos derechos.

•    Despachos y puestos de trabayu: el centru tien cinco puestos de trabayu pa poder desenvolver dafechu y en bones condiciones les funciones propies que configuren esti serviciu.

•    Espaciu d'almacenamientu para materiales varios: tratar d'un espaciu onde s'almacenen tolos recursos materiales necesarios para l'exerciciu de les funciones propies del serviciu y para el desenvolvimientu de les sos actividaes.

Gracies al alcuerdu ente l'alministración del Principáu y la llocal, el Conceyu d'Avilés dispón d'un espaciu que dexa ameyorar la calidá de los servicios dependientes de la conceyalía d'Igualdá que se dean. A cambiu, va correr colos gastos d'usu, mantenimientu, alministración, tributos y demás costos d'usu.
Les persones que quieran  facer usu de los servicios qu'ufierta la nueva Casa de les Muyeres d'Avilés pueden dir presencialmente a les sos instalaciones, n'horariu de 9:00 a 14:00 hores, o bien contautar per corréu electrónicu (igualdadaviles.es) o per teléfonu (985527546).