Contacto

Esti miércoles, 24 de xunetu, ASTUREX (Sociedá de Promoción Exterior Principáu d'Asturies) sustituirá a ASTUGAR na oficina de Sekuens en La Curtidora, un recursu que funciona como una plataforma d'espardimientu que tien ente los principales oxetivos averar les actividades de l'Axencia de Ciencia, Competitividá Empresarial y  Innovación Asturiana a les empreses d'Avilés.

El miércoles 24 de xunetu a les 9:00 hores, ASTUREX (Sociedá de Promoción Exterior Principáu d'Asturies) esplicará los sofitos necesarios pa les esportaciones de les empreses asturianes.

Ta prevista la presencia del conceyal de Desarrollu Urbanu y Económicu, Manuel Campa, pa dar la bienvenida a les empreses avilesines que quieran entamar cola esportación a les qu'ASTUREX informará de les iniciatives que podría haber. Dende'l  Conceyu d'Avilés considérase que se trata d'una actividá interesante, lo mesmo pa les empreses que ya tán trabayando fuera, como pa les que se planteguen la so internacionalización, lo mesmo si comercialicen productos, como servicios o know-how

En concretu, dende Asturex informaráse a los y les asistentes de dos ferramientes:

• EXPORTA INICIO un asesoramientu téunicu n'orige pa sofitar a les empreses non esportadores interesaes n'entamar la so internacionalización.
• EXPORTA DIGITAL pa diseñar una fueya de ruta a medida pa la internacionalización dixital de la empresa y la so implementación pa dempués, col sofitu d'un consultor especializáu o consultora especializada y la posibilidá de solicitar un becariu o becaria.

Tola información práutica del alcuentru y el formulariu p'apuntase tán na páxina web del centru d'empreses de La Curtidora nel enllaz:

  https://www.curtidora.com/eventu/axencia-sekuens-asturex-n'aviles/