La Orquesta de Flautes del Principáu va dar esti sábadu un conciertu de baldre dientro de los seminarios que yá se vienen faciendo dende hai años. Sedrá a les 13;30 hores na Antigua Pescadería, na Plaza de Santiago López, con entrada de baldre hasta completar aforu. Va dir la conceyala de Cultura y promoción de Ciudá, Yolanda Alonso.
Esta Orquesta creóla en 2013 el profesor Rubén Martínez Bastián per aciu de l'Asociación Cultural Demúsica y en collaboración col Centru Profesional Musical "Ángel Muñiz Toca" d'Uviéu, qu'entama los Seminarios de Xiblata Travesera d'Asturies y la so Orquesta de falutes cola direición del prestixosu maestru Salvador Espasa.
Estos Seminarios, que yá van pela so sesta edición, pretenden da-yos a flautistes profesionales y amateur, la poibilidá de tar nuna orquesta grande de xiblates, tener varios instrumentos de la mesma familia que nun se pueden sentir normalmente y actuar como solistes d'esta formación, asina como afayar nueves canales pa la formación del alumnáu y ampliar el trabayu grupal y escénicu.
Nesti conciertu, con entrada llibre hasta completar aforu que se va facer n'Avilés y que tien la collaboración del Conservatoriu Profesional Municipal Julián Orbón, Salvador Espasa va dirixir a la orquesta que tendrá como solistes a Alba García, Lucas Santos, Mariña Chávez y Magdalena Fernández.
- Cultura