Cultura
La Orquesta Sinfónica del Principáu d'Asturies va dar 3 conciertos hasta abril na Casa la Cultura
15 nov. 2022
Pasáu mañana, xueves 17, la OSPA, baxo la batuta de la directora moza italoturca Nil Venditti ufrirá "Divertimento", cola participación de Juan Ferriol como oboe solista y Mirabai Wesmehl convidada como primer violín. Con un preciu únicu de 18 euros pa tolos recitales, les entraes pal primeru yá se tán vendiendo nes canales normales qu'hai pa ello.

La Orquesta Sinfónica del Principáu d'Asturies vuelve otru añu más p'Avilés pa ofrecer nel auditoriu de la Casa la Cultura tres conciertos, dientro'l ciclu Música n'Escena, d'escenAvilés. Entamará pasáu mañana, xueves 17 der payares, con "Divertimento", pa dempués siguir en 2023 con "Dances Sinfóniques", el 23 de marzu, y "OSPA de Cerca, el 13 d'abril. Toos, a les 20.15 hores.

El preciu de les entraes ye de 18 euros y pueden comprase na taquilla de la Casa la Cultura y na web https://uniticket.janto.es/palaciovaldes/

Pa la cita de pasáu mañana, la OSPA contará cola batuta de la direutora moza italoturca Nil Venditti, que collabora muncho cola Filarmónica de los Países Baxos, la Orquesta Nacional del Capitoliu de Toulouse y l'Ensemble Ancyra d'Ankara.

Asinamesmo, nesti conciertu, actuará como oboe solista'l valencianu Juan Ferriol, convidáu por munches orquestes europees ente les que se tán Rotterdam's Chamber Orchestra, la Orquesta de Cadaqués o la European Community Chamber.  Y tamién participará como convidada y primer violín, Mirabai Wesmehl.

Programa "Divertimento"

  • J. Ibert, Divertissement
  • Jean Francaix, L’Horloge de Flore
  • Giacomo Puccini, Preludiu sinfónicu
  • Fazil Say, Dances sinfóniques op.64

23 de marzu y 13 d'abril

La siguiente cita sedrá'l 23 de marzu de 2023, con "Dances Sinfóniques", onde'l maestru ovetense Pablo González, consideráu ún de los direutores más versátiles de la so xeneración, va dirixir a la surcoreana Yeol Eum Son al pianu, que collaboró cola Gürzenich-Orchester Köln, la Konzerthausorchester Berlin y la Filarmónica de Bergen, ente otres.

Programa: "Dances Sinfóniques"

  • K. Szymanowski: Sinfonía nº 4 pa pianu y orquesta, op. 60 “Sinfonía concertante"
  • S. Rachmaninov: Dances sinfóniques, op. 45

Este ciclo terminará'l 13 d'abril con "OSPA de cerca", y la presencia na direición del portugués Nuno Coelho, ganador en 2017 del Concursu Internacional de Direición de la Orquesta de Cadaqués y direutor convidáu de la Orquesta Gulbenkian dende hai cuatro años.

Programa "OSPA de Cerca"

  • U. Chin: Súbito con forza
  • F. J. Haydn: Sinfonía nº 49 en fa menor, "La Pasión"
  • L. van Beethoven: Sinfonía nº 5 en do menor, op. 67

  • Cultura

También te puede interesar...