Contacto

La inxeniera Ana Pérez Otero, presidenta d'Innovasturias Club asturianu de la Innovación, va ser la invitada del tercer almuerzu na edición d'anguaño de "Los Martes de la Inovación", que se va facer nel Espaciu Maqua (c/La Cámara, 23) el prósimu 8 de payares de 9 a 11 hores. Pérez Otero. Estudió na Universidá d'Uviéu, y ye cofundadora y direutora xerente n'Ingenium inxeniería y domótica, falará sobre innovación collaborativa, averándonos a casos d'ésitu de procesos de cocreación. 

Innovasturias ye una asociación d'empreses y instituciones asturianes que busquen meyorar la so competitividá y la calidá de los sos servicios puxando pola cultura innovadora, la collaboración y busca de bones rellaciones nel ámbitu internacional. 

En 'Los Martes de la Innovación' analízase l'estáu de l'anovación n'Asturies. D'una manera relaxada y poco formal el públicu asistente puede charrar con persones espertes y les meyores no suyo. 

Yá pasaron per "Los Martes de la Innovación" Javier Fernández Noval, direutor d'operaciones n'Iberastur Inxeniería que faló de l'anovación y de cómo ta eso n'Asturies, y Juan Martínez Baragaño, fundador y CEO de Cepillos Sacema que faló de l'anovación sistemémica. 

Quien quiera asistir a la intervención d'Ana Pérez Otero, el martes que vien, puede apuntase en www.curtidora.com o nel enllaz: https://acortar.link/RlR6ST