El día 23 d'abril festéxase en tol Mundu'l Día Internacional del Llibu. La Rede de Biblioteques del Conceyu d'Avilés celébralo, un añu más, cola convocatoria d'un Concursu de Microrrellatos, del que yá ye la quinta edición, nes cuatro categroríes normales, de 6 a 8 años, de 9 a 12 , de 13 a 18 y mayores de 18. El plazu pa presentar les obres termina'l 31 de marzu a les 23.59 hores. 

Les obres lliteraries que se presenten tienen de ser orixinales y inédites, y nun pueden habese premiao enantes. Pueden escribise n'asturianu y en castellán, con dos requisitos, ún que salga la pallabra "llibru/o" y que como muncho tenga 200 palabres, col títulu incluyíu. .

Pa redactalos hai d'usar un procesador de testos compatible con Microsoft Word, col tipu lletra Times New Roman, tamañu 12 y con entelliniáun cenciellu. .

El fallu del xuráu sedrá públicu'l 23 d'abril, y van dase cuatro premios, ún pa cada categoría, consistentes nun llote llibros.

La presentación de los trabayos tendrá de facese mandando un corréu electrónicu a la direición mtpasarin@aviles.es. Nel asuntu hai de poner: V CONCURSU DE MICRORRELLATOS DÍA DEL LLIBRU. Axuntaránse tamién dos documentos: ún que contenga'l microrrellatu y el nomatu; y otru colos datos personales del autor o autora, títulu del microrrellatu, nomatu, nome y apellíos, años, categoría na que concursa, señes, teléfonu y corréu electrónicu.

Nes bases llámase que los y les autores de les obres ganadores y finalistes ceden los derechos de reproducción y comunicación pública de les obres a la organización, que podrá usales como-y pete, incluyendo la publicación, poniendo siempre quién ye l'autor o l'autora. Nun se-yos va dar, dineru enxamás en pagu d'esti emprestu.

Les bases completes pueden consultase en:

https://www.facebook.com/bibliotecasmunicipalesdeaviles/