Dende'l día 5 de setiembre hasta'l 11 del mesmu mes, en 26 establecimientos d'Avilés, Villalegre y Salinas, podrán tastiase estos bocadinos de la cocina avilesina, nos restaurantes, enoteques, chigres y sidreríes participantes.
Editáronse 7.000 gastromapes con tolos sitios que participen, que sirven pa que los y les clientes faigan la so propia ruta de tapes pa escoyer la Meyor Tapa , pudiendo sellar cuatro establecimientos diferentes y ganar dalgún premiu, como son visites y quedase a dormir en bodegues de Galicia y La Rioja, nueches d'hotel y otros premios, como'l que da Coca-Cola por xubir retratos de tapes xunto con una Coca-Cola a Instagram, usando'l hashtag #semanadelatapa2022.
Los gastromapes pueden conseguise nos establecimientos participantes, naa oficina de turismu d'Avilés y tamién nel llar de la UCAYC, tando tola información de la Selmana de la Tapa tamién en www.ucayc.es
La Selmana de la Tapa 2022, quier repetir y superar, los datos de la edición de 2021, na que según los datos que dieron los establecimientos d'hostelería que participaron, vendiéronse 8.702 tapes nos díes que duró esti eventu gastronómicu, que yá foi d'un más del 15% de la edición anterior, edición na que se taba pasando per unos momentos duros por culpa la pandemia que sufrimos. El resultáu del concursu va sabese'l 29 de setiembre.
- Conoce Avilés