Contacto

La selmana grande de San Agustín tien una programación bayurosa tresformando la plaza España nuna sala de cine, volviendo les Nueches de Cine. Van echase cuatro películes nomaes, pero nueves,  una tolos díes dende pasáu mañana, llunes 21 y hasta'l xueves 24 d'agostu. Son toes de baldre y entamen a les 22.00 hores.

La primera, el llunes 21, ye'l musical d'animación "¡Canta! 2" (2021), nuna aventura del koala Buster Moon, qu'embarca a los sos amigos y amigos y amigues buscando convencer a estrella vieya de la canción pa que vuelva a los escenarios.

Va siguir, el martes, l'aición trepidante de "Uncharted" (2022), con dos cazatesoros, Tom Holland y Mark Walhberg percorriendo'l mundu y reblagando penriba los problemes, pa facese col mayor botín qu'enxamás se viere.

El miércoles, otru ésitu de Santiago Segura y la so familia de ficción, en "Padre no hay más que uno 3" (2022), intentando resolver un problema que nun ye mui importante con una figura d'un belén, con Toni Acosta, Loles León o Carlos Iglesias nel repartu.

Va terminar el xueves, con otra propuesta d'animación, "Los Mitchell contra las máquinas" (2021), na qu'otra familia mui especial va intentar salvar el mundu d'un llevantamientu de los inxenios mecánicos.

Programa

Llunes 21

• 22.00 hores. "¡Canta! 2"

Martes 22

• 22.00 hors. "Uncharted"

Miércoles 23

• 22.00 hores. "Padre no hay más que uno 3"

Xueves 24

• 22.00 hores. "Los Mitchell contra las máquinas"