Contacto

El Día Internacional de les Persones Mayores celébrase en tol mundu'l 1 d'ochobre col sofitu de les Naciones Xuníes pa protexer y preservar la dignidá de les persones mayores. El lema d'esta edición ye: "Avieyar con dignidá: reforzar los sistemes d'atención y asistencia a les persones mayores en tol mundu".

Canal d'espardimientu "Mayores Avilés"

Amás, creóse una canal d'espardimientu per WhatsApp col nome de "Mayores Avilés", nel qu'una vez a la selmana va mandase una axenda d'actividaes que-yos puede interesar. Pa velo hai de calcar  equí.

Programa de la Selmana de les Persones Mayores n'Avilés

Del 1 al 3 d'ochobre

Toles actividaes son d'entrada llibre y de baldre

Martes 1, Día Internacional de les Persones Mayores

Sala Polivalente de la Casa la Cultura

• 11:00 h. Conferencia "Avieyar y edadismu", va dala Teresa Martínez Rodríguez, sicóloga y coordinadora téunica de la Estratexa y Red "CuidAs" de la Conseyería de Derechos Sociales y Bienestar del Principáu d'Asturies.
• A continuación, actividá "Un viaxe de vida: histories y lleiciones", con Paca Sahuquillo, abogada llaboralista, activista y política, a quien va entrevistar la periodista Marisol Galdón.
• 17:00 h. Xornada de trabayu con grupos focales pal siguimiento del anteproyeutu del Plan d'Aición del programa Avilés, Ciudad Amigable coles Persones Mayores.

Miércoles 2

Palaciu de Maqua

• 10:00 h. Xornada formativa sobre Deprendimientu-Serviciu. Va dala Roser Batlle Suñer, pedagoga especializada y impulsora d'esti  métodu de deprendimientu.

Centru Social de Persones Mayores de Les Meanes

• 17:00 h. Teatru costumista. El grupu Les Teatres representará la obra "La consulta".
• Darréu, mesa d'alderique sobre edadismu y soledá non voluntaria, cola participación de profesionales del sector sociosanitariu y de la sociedá avilesina.

Xueves 3

Sala Polivalente de la Casa la Cultura

• 11:00 h. Xornada "Persones mayores y la so presencia nos medios de comunicación". Mesa d'alderique sobre la imaxen de les persones mayores nos periódicos, cola participación de representantes de medios de comunicación d'Asturies y d'Avilés

Centru Social de Persones Mayores de Les Meanes

• 18:00 h. "Actividá y salú. Movimientu y diversión", cola actuación musical del grupu Santa Bárbara Rock.