Contacto

Mañana xueves, dende les 10 de la mañana hasta les 14:00 hores, les y los monitores de los diferentes proyeutos del Conceyu d'Avilés dedicaos a la mocedá, como les actividaes extraescolares o'l proyeutu "Hoy se sale", recibirán una formación n'acompañamientu emocional. El taller va ser nel edificiu de La Noria, que ta nel parque Ferrera.

Trabayadores de la entidá Ye Too Ponese sedrán les encargaes de dar el taller, que tará basáu na Guía d'Acompañamientu Emocional que presentaron el pasáu 22 de febreru, sofitada pola Conceyalía de la Mocedá del Conceyu d'Avilés. Ente les profesionales a cargu de la formación hai persones entitulaes en Sicoloxía, Integración Social y Educación Social.

Esta guía ye una ferramienta perbona p'ayudar a persones que se dediquen a formar, monitorear y dinamizar grupos de participación y educación non formal pa saber manexar les emociones del so alumnáu, asina como aportar ferramientes pa xestionar bien les rellaciones, afayando'l bon tratu. Too ello ye importante pa que les y los menores tengan motivación pa estudiar, pa facer actividaes extraescolares o actividaes d'ociu y tiempu llibre.