Contacto

Dempués del paréntesis de la pandemia, vuelve a la programación cultural d'Avilés una de les sos señes d'identidá respeuto a la conservación del patrimoniu inmaterial asturianu, como ye la Seronda, na so XIX edición. Un brinde pa disfrutar de les tradiciones xuníes a la seronda, esti vienres 21 y sábadu 22 d'ochobre, na plaza Hermanos Hermanos Orbón o lo que ye lo mesmo, plaza de Les Aceñes

La comida, la danza, los productos típicos, y sobre too la música, van ser los grandes protagonistes nesta nueva edición de Seronda N'Avilés, que la presentó güei pela mañana Yolanda Alonso, conceyala de Cultura, acompañada por José Federico Álvarez Palacios, presidente de la organización Federación d'Asociaciones Xuntanza d'Avilés. 

L'actividá va concentrase na carpa de dientro la plaza. tendrá un chigre, a cargu de l'Asociación Cultural de Piniella, nel que se van poder tastiar los manxares de la seronda astur, como les castañes, la sidra o los tortos, y siempre, cola meyor música de raigón. 

Asina, el primer día, el vienres, cuando s'inaugure oficialmente, a les 19.30 hores (anque la carpa va abrise a les 19 hores), actuará la Banda Gaitas el Trasno de Cuaña. Y darréu, a les 20.00 hores, Xaréu d'Ochobre y Escontra'l Raigañu prepararon una amuesa de bailles y sones tradicionales. 

L'avilesina Eva Tejedor encargaráse de dar un conciertu que pieslle la primer xornada de la Seronda, xunto con Les Pandereteres, a les 22.00 hores. 

Pal otru día, el sábadu 22, l'actividá va entamar yá pela mañana abrindo la carpa a les 12.00 hores. Y a les 12.30 hores, la música va llarar esti espaciu de la ciudá col "Festival de canción asturiana" nel que va participar la Escuela de Tonada Anabel Santiago. Y pa entmar la tarde preparóse, a les 14.30 hores, una xinta popular, con pote de berces y arroz con lleche. 

Pela tarde, dominiu dafechu de la música, cola actuación de la Banda de Música d'Avilés xunto al grupu Compañeras, a les 19.00 hores. a les 20.30 hores, "nueche en danza" con Pandereteres de Fitoria. Y el broche final va ponelu Xuacu Amieva, que va tocar col grupu Dobra, a les 22.00 hores. . 

Programa XIX Seronda N'Avilés

Vienres 21 d'ochobre

• 19.00 hores. Apertura de la carpa. Música popular y chigre con productos de seronda. Asociación Cultural de Piniella
• 19.30 hores. Inauguración oficial XIX Seronda N'Avilés. Actuación Banda de Gaitas El Trasno, de Cuaña
• 20.00 hores. Bailles y sones tradicionales con Xaréu d'Ochobre y Escontra'l Raigañu
• 22.00 hores. Conciertu d'Eva Tejedor & Les Pandereteres

Sábadu 22 d'ochobre

• 12.00 hores. Apertura de la carpa, cola Orquestina La Xarangana
• 12.00 hores. Chigre con productos de seronda. Asociación Cultural de Piniella
• 12.30 hores. Festival de canción asturiana cola Escuela de Tonada Anabel Santiago
• 14.30 hores. Xinta popular, con pote de berces y arroz con lleche
• 19.00 horas. Banda de música d'Avilés, col grupu Compañeras
• 20.30 hores. Nueche en danza con Pandereteres de Fitoria
• 22.00 hores. Conciertu de Xuacu Amieva y Dobra