Contacto

La conceyalía de Cultura, dientro de la Fundación Municipal de Cultura y la Factoría Cultural, en collaboración cola Federación Española d'Universidaes Populares, entama un cursu nuevu de les Aules Populares d'Avilés, AUPA, qu'algama la so XXXVII edición con 51 talleres y seminarios y 456 places en total. 

Son 1.931 hores formatives pa mayores de 16 años. Nel segundu cuatrimestre de la edición anterior taben matriculaes 326 persones, y el mínimu de matrícules pa qu'entame un seminariu o un taller ye del 75%.

Hai varios cursos nuevos nesta edición d'AUPA: Acuarela naturalista, Edición de proyectos de grabáu y estampación, Lettering intermediu, Telar (texendo memories), Sicomotricidá, Cantu coral, Bailles de salón (nivel mediu) y Dioses y mitos de l'antigüedá. 

El plazu de matrícula pal alumnáu antiguu (los y les asistentes a talleres y seminarios del segundu cuatrimestre de la XXXVI edición), ábrese'l 19 de setiembre, mientres que pa les persones que s'apunten la primer vez, sedrá pal 23 de setiembre. Nos dos casos, el plazu va tar abiertu hasta'l 29 de setiembre. 

Les clases, que se van dar sobre too nes instalaciones de la Factoría Cultural y del Centru Cultural de Los Canapés, van entamar el 3 d'ochobre. L'asistencia ye voluntaria y va dase diploma a quien vaya a un 80% de les sesiones y que lu soliciten. 

Los conteníos de los talleres y seminarios pueden consultase nesti enllaz: https://bit.ly/3RTefoP

La matrícula va ser siguiendo un orden estrictu según se van apuntando, pudiendo quedar como reserva nos talleres y seminarios que se vayan completando, incorporándose a ellos en casu de baxes o duplicación. 

Matriculación

Pue facese  de forma telemática y presencial

• Matrícula Online

Pela sede electrónica del Conceyu d'Avilés. Con certificáu dixital o sistema de firma electrónica o d'identificación:

sedeelectronicaaviles.es à Publicaciones à Otres convocatories

Podrán apuntase les persones mayores de 16 años. Les persones mayores de 18 años tendrá que poner el so NIF, fecha de nacimientu y un númberu de teléfonu móvil. Pa que s'apunten les persones menores de 18 años tendrán que poner el so NIF, fecha de nacimientu y un númberu de teléfonu del tutor o de la turora.  

Al terminar el procesu de matriculación online podrá descargase'l llocalizador qu'hai dempués de matriculase, como garantía d'ello. Les notificaciones de los problemes que pudieren xurdir mandaránse al teléfonu móvil de la persona interesada o del tutor o de la turora nel casu de los y les menores d'edá. 

En terminando la tramitación de la matrícula na web del Conceyu, ésta considérase fecha dafechu dempués de pagar lo que corresponda y nun ye necesario amestar xustificante negún de pagu. 

Feches de matrícula  online

Alumnáu antiguu: dende les 00.00 hores del 19/9/22 hasta les 23.59 hores del 29/9/22.

Alumnáu nuevu: dende les 00.00 hores del 23/9/22 hasta les 23.59 hores del 29/9/22.

Matrícula presencial

La matrícula sólo se va poder facer na Oficina d'Asistencia en Materia del Rexistru del Conceyu d'Avilés.

Plaza España nº 1. Mañanes: De llunes a vienres de 8.30 a 14.30 hores. Tardes: Martes y xueves de 15.00 a 17.00 hores.

Servicios Múltiples "El Foco". Cai Santa Apolonia nº 120. Mañanes: De llunes a vienres de 8.30 a 14.30 hores

Puede solicitase voluntariamente cita previa pa la so atención presencial nes Oficines d'Asistencia en materia de rexistru del Conceyu d'Avilés: a través de la Sede Electrónica, la web del Conceyu d'Avilés, y per teléfonu nel 985 122 100, con horariu de siguío dende les 8.30 a 14.30 hores, de llunes a vienres. 

En el momento de realizar la inscripción se emitirá una autoliquidación para abonar el importe de la matrícula. El abono se podrá realizar en cualquier Oficina de Unicaja Banco Liberbank. Una vez realizado el abono de la matrícula, será necesario presentar el justificante de pago, antes de la finalización del período de matrícula, en la Oficina de Asistencia en Materia del Registro del Ayuntamiento de Avilés o de la Factoría Cultural. En faciendo la matrícula emitiráse una autolliquidación pa pagar l'importe de la matrícula. 

• Devolución de matrícula

La matrícula devolveráse nestos casos:

- Porque nun se faiga'l taller o'l seminariu o dalguna cosa que pueda achacase a la Fundación Municipal de Cultura.

- Cuando la persona matriculada pida  per escrito l'anulación de la so matrícula enantes del 29/9/22 na Oficina d'Asistencia en Materia de Rexistru del Conceyu d'Avilés (O.A.R) o al traviés de la sede electrónica del Conceyu d'Avilés.

• Observaciones

La Fundación Municipal de Cultura resérvase la posibilidá d'anular los talleres y seminarios nons que nun s'algamare'l númberu mínimu de xente matriculao, y tamién doblar los que tengan muncha xente apuntao en llista d'espera. El númberu mínimu pa que se faiga un cursu o seminariu/taller ye del 75% de les places qu'hai. La Fundación Municipal de Cultura resérvase la posibilidá de cambiar los horarios, centros y profesoráu previstos nun principiu, asina como paralos un tiempu según tea la situación sanitaria.

Cursos y talleres d'esta edición  

Descarga equí'l folletu completu con tola ufierta de cursos y actividaes