Contacto

Lila Downs llega a Avilés con “Volver Tour” nun percorríu per España y el restu Europa
Palaciu Valdés, 8 d'ochobre, 20:30 h

La cantante y compositora mexicana, ganadora d'un Grammy y de 6 Grammy Llatinos, ye una de les voces más poderoses y especiales qu'hai agora. La so presencia simbólica nun escenariu, contando histories conmovedores, reblagó toles berreres del llinguax.  

Lila Downs ye una de les artistes más destacaes y premiaes d'América Llatina, va xubise al escenariu del Teatru Palalcio Valdés d'Avilés col so espectáculu Volver Tour, na que va traer temes nuevos, como Tortolita, Mandimbo, Mirror y Dark eyes, canciones populares y otres del so discu Al Chile, como'l Son del chile frito, Cariñito, San Marqueña, La Campanera y otros temes populares como Urge, Vámonos, La Martiniana, naila, Mezcalito, Zapata, Cucurrucucú, Cumbia del Mole. 

Ñacida y criada n'Oaxaca como en Minnesota, Lila Downs, fía d'una muyer indíxena mixteca y padre angloamericanu, escribió narratives de resitencia indíxena protexendo les plantes y comides sagraes de la so cultura oaxaqueña, respetando les tradiciones del continente americanu. 

Les lletres de Lila Downs, davezu, marquen rellatos que traten la inxusticia social o les histories atapecíes de muyeres en Llatinoamérica d'oríxenes indíxenes y trabayadores. 

Nes sos actuaciones per Europa van acompañala nel escenariu la Banda 'La Peligrosa', compuesta polos músicos George Saenz (acurdión, trombón, coros y direutor musical), Lautaro Burgos (batería), Luis Guzmán (baxu), Rafa Gómez (guitarra y coros), Nikki Campbell (percusiones), Sinuhe Padilla ( xarana, guitarra, coros y zapateáu) y Josh Deutsch (trompeta). 
 

La cantautora gallega Sés tará tamién nel conciertu

Sés va dar un conciertu, en formati tríu, enantes de l'actuación de la cantante mexicana Lila Downs n'Avilés, el 8 d'ochobre.  

Sés ye un auténticu fenómenu underground, con siete trabayos discográficos en 9 años,  sofitando'l so ésitu nel so carisma y fuerza personal y nun discursu valiente, nuevu, rotundu y direutu que la convierte n'altavoz certeru, que dfiende coles sos lletres y la fuerza de les sos canciones, aquello no que sedría ideal creyer. 

María Xosé Silvar, SÉS, ye llicenciada en Filoloxía Galega y Antropoloxía Social. Creció musicalmente nel folclore tradicional gallegu. Nel so estilu entemez, con dosis esautes, ingredientes que dan un resultáu orixinal y auténticu: rock'n roll, tradición gallega y cierta cadencia de la canción d'autor llatinoamericanu, dende una actitú punk y con lletres ellaboraes, sinceres y viscerales, que cuestionen lo llantao y nagüen pola xunión y l'amor. 

Nel so últimu discu Liberar as arterias, caltién y puxa pol so mensax valiente, y percuerre América de norte a sur. La gallega convirtióse nuna de les artistes de más ésitu en Galicia pol so carisma y discursu, asina como pola fuerza y calidá de les sos canciones, qu'ensin dulda la van llevar a conquistar otros territorios. Un auténticu "hit" que tien como exa la llucha feminista, anima a llevantase y a romper les mordaces. 

Calca nel enllaz  pa ver el conciertu  de Sés n'A Coruña, 2020
https://www.youtube.com/watch?v=SQrT2TeIcyU&t=455s

Entraes
https://uniticket.janto.es/palaciovaldes/public/janto/main.php

https://teatrupalaciovaldes.es/

Casa la Cultura y taquilla del teatru dos hores enantes del conciertu. Con precios dende 18 euros, hasta 36 la más cara.