El club de Llectura de Los Canapé ye l'últimu de los grupos aficionaos a la lliteratura y a comentar les obres pa intercambiar idees. Tien 20 persones apuntaes y mañana, martes 28 de xunu, ne centru cultural de Versalles, a les 18:00 hores, van comentar la 0bra "84, Charing Cross Road", de la estadounidense Helene Hanf.
Esti club que tien tan pocu tiempu, xúntase aal que yá hai de la Biblioteca Bances Candamo, al Club de Llectura moza y el grupu "Una habitación propia", sofitáu pola conceyalía d'Igualdá.
Tamién s'aconceya mañana un club bien afitáu, como ye'l Club de Llectura de la Biblioteca Bances Candamo, de la Casa la Cultura. Les persones que tán nél -unes 30 apuntaes anque nos acocneyamientos suelen dir unes 12 persones- van comentar la novela "Catedrales", de l'arxentina Claudia Piñeiro. Sedrá nel so puntu d'alcuentru de siempre, l'edificiu de La Noria, nel parque Ferrera a les 17:00 hores.
"Una habitación propia"
Per otru llau, el Club de Llectura de la conceyalía d'IIgualdá, pieslla güei pela tarde les sos puertes hasta la seronda, charrando de la obra "Los niños perdidos" de la mexicana Valeria Luiselli. Sedrá a les 18 hores nel Palaciu de Valdecarzana.
- Cultura