Contacto

Los neños y les neñes d'Avilés, amás de col pan que diz el refraneru, vendrán debaxo'l brazu con un llibru nel que les families van poder escribir, dibuxar, pegar retratos, poner ilustraciones de la vida de lo más piquiño de la casa, dende que nacen hasta los episodios más prestosos y importantes de la so vida, faciendo un percorríu dende piquiñinos y piquiñines.

El títulu del llibru dizlo too: 'El llibru pa lo más piquiñino de la casa'. Ye una iniciativa de la Conceyalía de Normalización Llingüística  xunto col Hospital Universitariu  San Agustín, que busca, amás de convidar a participar nesta propuesta tan prestosa, que de xuro se va convertir nun bon llibru d'alcordances, por supuesto tamién, a esparder y afitar l'usu de la la llingua asturiana. 

Los materiales presentáronse güei pela mañana nel Hospital San Agustín nun actu nel que participaron la conceyala de Normalización Llingüística, Ana Solís; la direutora d'enfermería del centru sanitariu, Aránzazu Muñoz Mancisidor; la supervisora de la planta de Maternidá, Rosa Albarrán Mohedano; y la supervisora del aria de Materno-Infantil, Olaya González Moreno

Esta campaña, retoma una anterior también pensada en collaboración tamién col Hospital San Agustín, p'afayar un material agradable, cenciellu y mui manexable onde se pueda meter  información de los neños y les neñes qu'acabaen de nacer. Tamién hai una riestra apartaos con palabres que presten o nomes pa neños y neñes, pero esta nueva edición se muestra renovada con vocabulariu más propiu d'Avilés.  

Los testos tán fechos pola Rede de Servicios de Normalización del Principáu d'Asturies, les ilustraciones son d'Olmo García Huete y ta editáu pola Editorial Trabe.