Contacto

Sábados nes Biblios

Sábados nes Biblios, programa financiáu pol Plan de Corresponsables del Ministeriu d'Igualdá, tien 76 talleres de baldre p'afayar la conciliación, y va desenvolvese en Versalles, La Xungarosa/El barrio de La Luz, La Carriona y el centru.

Los Sábados nes Biblios ye una iniciativa que va ofrecer -dende esti sábadu 4 de febreru y hasta últimos de xunu- talleres p'afayar la conciliación de la vida familiar y llaboral. Ye un programa municipal financiáu pol Plan de Corresponsales del Ministeriu d'Igualdá, y desenvueltu cola collaboración del Institutu Asturianu de la Muyer. 

Les sesiones (76 en total) sedrán pa neños y neñes de 6 a 12 años y van facese tolos sábados, de 11:00 a 13:00 hores, nes biblioteques de Los Canapés, La Xungarosa/El barrio de La Luz, La Carriona y Bances Candamo. Nesta última nun habrá talleres los sábados nin 18 de febreru, nin 18 de marzu, nin 13 de mayu nin 17 de xunu. 
 

Programa
Hai seis actividaes diferentes, toes de baldre, que van dar persones espertes en cada materia:
•    Taller d'ilustración, Pintar-Pintar
•    Taller de teatru infantil, Elísabet Martín Teatro
•    Taller de creatividá, Abierto Asturias
•    Taller de robótica, Robótix Asturias
•    Taller de cómic, Carol Medina
•    Taller de stop motion, Óscar Molero y Concha Garrido

P'apuntase
Cada sesión tendrá 15 places como muncho, polo que ye necesario apuntase enantes, o de forma presencial, diendo a cada biblioteca que faiga l'actividá pa la que se quier acutar plaza, o tamién per corréu electrónicu: bibliotecabances@aviles.es (Bances Candamo), bibliotecacanapes@aviles.es (Los Canapés), bibliotecalaluz@aviles.es (La Xungarosa/El barrio de La Luz) y bibliotecacarriona@aviles.es (La Carriona).
 

Calendariu de sesiones