Contacto

• Los que cuenten col distintivu "0" pueden aparcar de baldre ensin sacar tique, mientres que los que lleven nel parabrises la etiqueta "ECO" tendrán un descuentu del 50% nel preciu

El conceyal de Movilidá, Pelayo García, y el xefe de centru de Dornier, Alejandro Valle

Nos parquímetros:

• Coches con etiqueta ECO:
  • Tarifes Azul o Naranxa ECO: en metiendo les monedes, calcar una vez el botón mariellu, y el tique yá  va salir col descuentu del 50% aplicáu
  • Tarifa Residentes Vehículu ECO: en metiendo les monedes, calcar tres veces el botón mariellu, y el tique saldrá col descuentu del 50% aplicáu
• Coches con etiqueta 0: sólo tienen que llevar la etiqueta nel parabrises, y nun se necesita sacar tique.

N'app Telpark:

• Coches con etiqueta ECO: n'escoyendo la tarifa correspondiente (Azul, Naranxa o Residentes ECO), l'aplicación comprueba, según la matrícula que se metió primero, que'l coche tien la etiqueta "ECO", y si ye que-y corresponde, aplica'l descuentu del 50% direutamente.

• Coches con etiqueta 0: sólo tienen de llevar la etiqueta nel parabrises y nun tienen que sacar tique, magar que l'aplicación Telpark inclui ente les tarifes posibles, una col nome de "Residentes Cero Emisiones", que si se quier puede sacar un tique que nun cuesta nada. Nesti casu, l'aplicación tamién comprueba, según la matrícula qu'hai de meter primero, qu'a esi coche correspónde-y la etiqueta "0" y, por eso, nun tien que pagar nada.