Contacto

La Fundación Deportiva Municipal de Avilés (FDM) asoleyó la información de les actividaes correspondientes al cursu deportivu 2025/2026. Tien, como yá vien siendo normal, con precios afayadizos y una ufierta mui variada de disciplines deportives, pa tolos gustos y necesidaes. Ofrécense más de trenta modalidaes, diferenciaes ente acuátiques, de sala y cancha y al aire llibre.

El cursu ye dende'l 29 de setiembre de 2025 hasta'l 28 de xunu de 2026. Ofrécense modalidaes pa toles edaes y condiciones físiques, con horarios mui variaos pa que tol mundu pueda facer deporte.

Estes actividaes podrán cambiar o tener algún cambiu nel momentu nel que se tean faciendo p'acondicionales  a les necesidaes que puedan dir xurdiendo en caún de los tres trimestres nos que se dividen toles actividaes; les úniques esceiciones son l'actividá acuática pa embarazaes (mediu trimestre) y los cursos de tenis (15 clases).

La llista de toles actividaes ye ésta:

Actividades acuáticas de enseñanza, organizadas para diferentes grupos de edad: niños/as de educación infantil (acompañados de una persona adulta), niños/as de educación primaria, jóvenes hasta los 18 años y personas adultas.

Actividaes acuátiques de fitness: natación de mantenimientu pa la moicedá y pa persones adultes, ximnasia acuática pa persones adultes, aquaerobic (imprescindible saber nadar yá), aquarunning y AquaGAP.

Actividaes acuátiques pa población especial: actividá acuática pa persones con discapacidá, pa embarazaes, pa bebés y pa mayores de 65 años.

Actividaes de sala y cancha: ximnasia de mantenimientu pa persones adultes, ximnasia pa mayores, aerobic con step, aeróbic, pilates, pilates pa mayores de 55 años, G.A.P. (Gluteu-Abdominal-Pierna), hipopresivos, zumba, yoga, tonificación (espalda sana), ciclismu en sala, patinaxe artísticu (neños/es de 3 a 18 años), hipo-pilates y mayores activos.

Actividaes al aire llibre: cursos de tenis y ximnasia al aire llibre en parques pa persones mayores de 65 años como a menores d'esa edá.

Tola información de la organización de les actividaes y de los horarios yá ta nos tablones d'anuncios de les piscines y nos accesos y entraes de les instalaciones deportives municipales, y na  web municipal, nesti enllaz:

https://aviles.es/documents/20124/27856716/Actividades+FDM+25-26.pdf

P'apuntase

El plazu p'apuntase sedrá dende'l  llunes 15 de setiembre a les 8:30 hores y tendrá de facese na web www.aviles.es/TSAvilesDeportes.