Contacto

El Conceyu d'Avilés abrirá, dende mañana miércoles 10 hasta'l miércoles 31 d'agostu, el plazu de matriculación nel serviciu de comedor escolar pal cursu 2022/2023, sólo pa quien quiera usar el serviciu de comedor en setiembre. Pa l'alumnáu que vaya a usar el comedor dende ochobre p'alantre, el plazu abriráse ente'l 15 y el 25 del mes anterior al qu'entame'l serviciu. 

Úfrese esti serviciu de comedor en 11 Centros d'Educación Infantil y Primaria, y en 5 Institutos d'Educación Secundaria de la ciudá. Concretamente: los CEIP La Toba, Enrique Alonso, Marcelo Gago, Marcos del Torniello, Llaranes, El Quirinal, Palacio Valdés, Poeta Juan Ochoa, Versalles, Villalegre y Virgen de Las Mareas; y los IES Carreño Miranda, La Magdalena, Menéndez Pidal, Nº5 y Virgen de La Luz.

Llántense dos tipos d'usuariu:

• Usuariu fixu: aquel alumnáu que s'apunta pa tolos díes llectivos del mes en dalgún d'estos servicios: Almuerzu (inclui atención bien ceo ), Atención bien ceo ensin almuerzu, o Xinta. Apuntase como usuariu fixu supón paga lo que cuesta tol mes, independientemente de lo que s'use'l serviciu. 
• Usuariu esporádicu: aquel alumnáu que s'apunte dalgunos díes en dalgún serviciu: Almuerzu (inclui atención bien ceo), Atención bien ceo ensin almuerzu, o Xinta, pagando sólo los servicios que s'usen.  

El serviciu d'almuerzu daráse, nos centros nos que s'ofrez el serviciu, hasta les 8.45 hores y, en tou casu, hasta un cuartu d'hora enantes del entamu les clases.

Precios pal cursu 2022/2023

Los precios públicos d'esti cursu pal comedor son iguales que los del cursu anterior. Y son éstos:

En tolos casos dase la posibilidá de que les families tengan bonificaciones del 30, el 50 o el 80 por cientu d'estos precios, en función del nivel de renta.

¿Cómo hai qu'apuntase?

Hai varies formes:

1. Presentación Telemática:

Na Sede Electrónica (https://sedeelectronica.aviles.es/convocatorias) na convocatoria nomada "Matriculación Serviciu Comedor Escolar. Cursu 2022-2023".

2. Presentación Presencial:

En cubriendo les solicitúes según el modelu nomáu "Inscripción Comedores Escolares", anexu a les bases disponibles pa la so descarga na propia Sede Electrónica, presentaránse xunto cola documentación necesaria en cualquiera de les dos sedes de la Oficina d'Asistencia en Materia de Rexistros (OAR, antiguu Serviciu d'Atención Ciudadana SAC), na Casa Conceyu o nel edificiu “El Foco” de Villalegre, o bien a través de cualquiera de las formes previstes nel artículu 16.4 de la Llei 39/2015 dende'l 1 d'ochobre, del Procedimientu Alministrativu Común de les Alministraciones Públiques.