El programa 'Senderea' qu'entama'l Serviciu de Mocedá del Conceyu d'Avilés ufre unes rutes pequeñes andando per espacios naturales del conceyu y la redolada, guiaes per una persona especialista que va dir colos grupos en cada salida. Amás de conocer el paisaxe y la biodiversidá llariega, los y les participantes trendrán actividaes pa fomentar el respetu pol mediu ambiente y la xuntura col territoriu.
El programa, que ye de baldre, desendolcarás a lo llargo l'añu con una ruta cada mes, siempre en fines de selmana, pa poder tener más participación y permitir la conciliación familiar. Les salíes sedrán en grupu, promoviendo la convivencia, el deprendimientu coleutivu y l'ociu sanu. (El bocata hai de llevalu de casa). Entama esti sábadu.
Les places son llimitaes polo que pa participar hai d'apuntase primero:
-- instagram @espaciojovenaviles
-- corréu electrónicu: juventud@aviles.es
-- teléfonu 985561882
Primeres rutes confirmaes:
Sábadu 18 d'ochobre – Ruta del Escañorio (11:00 - 15:00 hores)
Salida 11:00 hores dende la pista pumtrack de Villalegre pa caminar hasta la cascada del Escañorio, onde se va compartir la comida, si nun ta malu'l tiempu.
Domingo 9 de payares – Ruta de la Costa Asturiana
Salida n'autobús dende l'edificiu Fuero hasta Santa María'l Mar. Dende ellí andaráse pela senda llitoral hasta Salinas, onde va terminar la ruta. Pararemos pa comer los bocadillos y disfrutar del paisaxe.
Sábado 13 de diciembre – Ruta al Pico Gorfolí
Salida n'autobús dende l'edificiu Fuero hasta Taborneda, entama la ruta. Va xubise al Picu Bufarán, onde se va parar pa xintar, pa dempués baxar hasta'l puntu de recoyida.
P'apuntase y pa más información: les persones interesaes pueden consultase feches, percorríos y p'apuntase nel nuestru instagram @espaciojovenaviles, el nuestru corréu electrónicu juventud@aviles.es o'l nuestru teléfonu 985561882. Les places son llimitaes.
- Personas y Bienestar