Güei pela tarde llega a Avilés el grupu de cuatro mozos y moces con una trabayadora pa la mocedá de Saint-Nazaire -ciudá francesa hermanada con Avilés- que van tar na ciudá el martes y miércoles pa conocer de cerca los programes del Serviciu de la Mocedá del conceyu d'Avilés y intecambiar esperiencies.
El grupu francés ta dientro'l Conseyu de la Mocedá de Saint-Nazaire y recibió una beca pa viaxar peles diferentes ciudaes europees y conocer cómo funcionen les sos polítiques pa la mocedá. Con edaes ente los 17 y 23 años los sos nomes son Maël Levy, Charlize Lemaire, Etaine Radja y Laura Dumas, que lleguen a Avilés cola educadora Coralie Patrel.
Asina, la mocedá de los proyeutos “Antenas Informativas”, “Bosque Comestible”, “Conecta Joven”, “Consejo de Infancia y Adolescencia”, “Hoy se sale”, “Radiadora” y “Transit”, cola coordinación de la Oficina de Movilidá Xuvenil Internacional "Europa Aquí", preparó varies actividaes pa que'l grupu francés conoza los disitintos proyeutos, asina como la mesma ciudá.
Programa d'actividaes
Martes 5 de xunetu
- 10:00 hores Alcuentru col grupu español y xuegos de conocimientu nel Serviciu de la Mocedá d'Avilés. Edificiu Fuero
- 12:00 hores La conceyala de Mocedá, Raqel Ruíz recibe al grupu na Casa Conceyu
- 13:30 hores Comida intercultural preparada polos dos grupos. Edificiu Fuero
- 16:00 hores Visita guiada per Avilés preparada pol grupu avilesinu
- 18:00 - 19:30 hores Edición de vidiu por parte del grupu francés.
Miércoles 6 de xunetu
- 10:00 hores Presentación de proyeutos del Serviciu de la Mocedá d'Avilés. Edificiu Fuero
- 13:00 hores Picnic nel Bosque-Comestible
- 14:30 hores Tarde y xuegos na playa de Salinas
- 18:00 - 19:30 hores Montaxe de vidiu
- Personas y Bienestar