Contacto

Paco Roca. Dibuxante ambulante
Sala de Cómic
Dende'l 5 de xunetu hasta'l 18 de setiembre de 2022

«Esta necesidá apasionada por entamar un viaxe en cada proyeutu nuevu que dexe visitar los sitios emotivos qu'anden pel camín creativu ye lo que me llevó a ser dibuxante ambulante.»

Con más de venti noveles gráfiques dibuxaes y munchos premios al llombu (ente los que tán el Nacional de Cómic, l'Inkport Award de san Diego, l'Eisner, el Harvey y munchísimos más). Paco ye un privilexáu porque pudo vivir del so suañu de neñu: dibuxar tebeos y facelo en piyama.  

Anguaño ye ún de los grandes autores nacionales y fizo que'l tebéu, novela gráfica o cómic, disfrute d'un momentu d'espoxigue pa un públicu adultu y que nun lleía enantes tebeos. Munches de les sos histories tornáronse a otres llingües, y dalgunes la mundu del cine de la mano de Ferreras o Amenábar. 

Amás de dalgunos de los sos trabayos más conocíos, nestra amuesa podemos deprender del so personal téunicu de trabayu: apuntes, bocetos, quion, llápiz, entintáu, llibretes de viaxe, etc, detalles que s'esconden tres d'un procesu creativu particular y que poques veces ta al alcance del gran públicu. 

Si leer sus historias no deja indiferente, descubrir cómo se gestan ayuda a conocer el trabajo y la personalidad de este autor valenciano.

Esta esposición ta dientro la programación del Festival de Cultura Urbana FOCART 2022 y la historia del llavaderu de González Abarca d'Avilés. Asina xurde la idea de facer un mural que recupere lo importante que ye esti espaciu daqué escaecíu, arrequexáu y xunía dafechu a la nuestra historia, aportando una mirada del sieglu XXI a un sitiu del XIX, confrontando realidaes pasaes col presente. 

El mural fadráse ente'l 21 de xunu y el 5 de xunetu por dos de los nomes con más renome nel panorama de la ilustración española d'agora: Paco Roc, de trazu llimpiu, elegante y de muncha capacidá narradora, va encargase del diseñu; y Martín Forés, muralista, pintos, rotulista, decorador, diseñador, avezáu a formatos descomunales, sedrá quien lu llante na muria. 

Los dos artistes planteguen un homenaxe a la muyer nún de los sitios que yera puntu d'alcuentru y socialización del sieglu XIX y bona parte del sieglu pasáu, mientres desenvolvía un llabor penosu, poco reconocíu y enforma necesariu, como ye'l de llavar la ropa.