Ayuda
Pirotecnia Reiriz sedrá la encargada de los Fueos de San Agustín. Ye la primer vez que l'espectáculu de colores se fai na víspera del día patronal, na medianueche del sábadu 27, dende la Ría d'Avilés.
Van durar 19 minutos, nos que la empresa de Tapia de Casariego llanzará 1.405 disparos d'artefactos repartíos en 28 grupos.
Reiriz diseñó pa la nueche los fueos d'Avilés un espectáculu qu'inclui les tradicionales palmeres de munchos colores con elementos nuevos como pavos reales o güevos de dragón, amás de fueos nel agua. Van quemar 350 kilos de pólvora nuna nueche na que s'espera que tea bono.
El públicu podrá pasalo bien con peoníes y dalies mui llamatives, un desmayu, meduses de color encarnáu y azuláu, asina como estrelles fugaces que van rellumar nel cielu avilesín.
El ruiu sedrá tamién protagonista con truenos de titaniu, "cracketeos" bien sonaos, pitos y pa poner el broche final habrá un cielu apoteósicu llaráu de colores, truenos y fueos a cuatro altures.
La empresa, creóse en 1968, y diferénciase d'otres, porque los sos productos son mui bonos y bien seguros. Tienen equipos modernos de disparu dixital y el so personal ta mui preparáu. Ente los sos trabayos destaquen los que fixeron pa les fiestes de Begoña en Gijón/Xixón. Gracies a la so profesionalidá, diéron-yos varios premios en concursos nacionales y internacionales.
Otru añu más, los Fueos de San Agustín van ponelos en directu na TPA, nun programa especial dende'l Paséu de
- Fiestas y Festejos