Contacto

Plaza de solera . Ye'l centru, centru, d'un barriu tan especial, como ye'l vieyu barriu marineru de Sabugo, y  l'únicu que na Edá Media taba fuera la muralla. Alrodiu la plaza, organízase'l barriu. D'ella salen y lleguen la cai secular de Bances Candamo (avilesín que destacó como autor teatral nel sieglu XVII na Corte Madrilana) con soportales y la cai La Estación paralela a la otra. Xúntense les dos un poco más p'abaxo cola de Carreño Miranda (otru avilesín famosu del sieglu XVII, por ser pintor de cámara del rei Carlos II). 

Sabugueros y sabugueres, dedicáronse munchos sieglos a trabayos rellacionaos cola mar. Nun trabayaben sólo neso, tamién había carpinteros de ribera (astilleros artesanales vieyos) que facíen barcos y qu'aprovechaben, claro ta, la cantidá de viesques qu'había daquella n'Avilés, sobre too n'El Carbayedo, otru de los barrios más tradicionales de la parte alta de la ciudá y que se llama asina, precisamente pola bayura carbayos que tenía.