![](/documents/20124/638576/Plaza+Mercado_01.jpeg/992baa61-4c42-9d02-48c1-0e436e73c238?t=1625656802628)
La Plaza'l Mercáu, Les Aceñes o Hermanos Orbón
Pue que seya l'espaciu arquiteutónicu más especial d'Avilés. Ye una plaza completamente simétrica y arrodiada de galeríes y por eso resulta tan orixinal.
Lo mesmo que'l parque'l Muelle, fízose ensuchando terrenos de marisma y canalizando soterradamente'l ríu Tuluergo, que pasaba pela qu'agora ye la cai La Muralla.
Esti espaciu artquiteutónicu tan orixinal construyóse na segunda metá del sieglu XIX. Ye rectangular. La parte de fuera, la que da pa les calles d'alredor, tien unos balcones y unos miradores que llamen muncho l'atención; mientres que la parte de dientro, la que da pa la plaza, tien unes galeríes de madera precioses, posaes en columnes de fierro y adornaes con rexes que-y dan una altura tremenda a los soportales. Per baxo d'ellos, lo mesmo a nivel del suelu que nel entesuelu, hai varios comercios. La plaza tien cuatro entraes.
-
Personas y Bienestar
-
Personas y Bienestar
-
Personas y Bienestar
-
Tu Ayuntamiento