Contacto

La Factoría Cultural d'Avilés y la FEUP, Federación Española d'Universidaes Populares, van siguir un cursu más collaborando y ufierten seis talleres nuevos de baldre hasta avientu. Les clases sedrán na Factoría, y el plazu p'apuntase ta abiertu.

Los talleres son éstos:

"Elles cambien el mundu: La lliberación de la muyer al traviés de la moda", del 2 d'ochobre al 11 d'avientu; "Elles cambien el mundu: Interpretación Audiovisual y improvisación", del 4 d'ochobre al 13 d'avientu; "Estampación en tela. Xeometríes fractales", del 7 d'ochobre al 13 d'avientu; "Escuela de plantes: poda y inxertu", del 9 d'ochobre al 11 d'avientu; "L'arte de la enmarcación", del 10 d'ochobre al 28 de payares, y "Igua y tapizáu de muebles", del 10 d'ochobre al 12 d'avientu".

P'apuntase a los talleres puede facese nel númberu de teléfonu 985 548 617, presencialmente, nes instalaciones de la Factoría Cultural d'Avilés (Avenida de Portugal nº 13) o per corréu electrónicu a: ssanchezp@aviles.es, poniendo'l nome y apellíos, sitiu o barriu onde se vive, númberu de teléfonu y númberu de documentu nacional d'identidá, pasaporte o NIE..