Contacto

L'Área de Servicios Sociales del Conceyu d'Avilés abrió'l plazu p'apuntase a les actividaes nueves pa xente mayor de la ciudá, sobre too pa les persones qu'usen l'ayuda en casa de los Servicios d'Atención Domiciliaria. D'estes actvidaes dalgunes sólo son pa les persones mayores, que tamién tien prioridá n'otres, magar que nesti casu tamién son pa les persones mayores en xeneral, si ye qu'hubiere places llibres. 

Sobre too, son pa  persones usuaries de los Servicios d'Atención Domiciliaria  estes actividaes "Camina al to ritmu", "Cafés-Creando redes", "Salides urbanes" y "Actividaes en casa". Per otru llau son abiertos, anque tien preferencia esti coleutivu, los talleres "Mueve'l to cuerpu, activa la to mente" y "Charres d'interés".

Les charres pal públicu en xeneral, entamen güei a les 17:00 hores nel Centru de Persones Mayores de Llaranes con responsables de la empresa de la Empresa d'Ayuda a Domiciliu que van falar de "Ayudes téuniques en casa" (grúes, silles, cames, etc). El vienres 20 nel Centru de Persones Mayores de Les Meanes con esti tema pa tratar "autoestima y estáu emocional".  

Les persones interesaes n'apuntase a estes actividaes, que tienen places llimitaes, van poder facelo  per aciu del personal encargáu de facer el serviciu en cada casa. Nel casu de les actividaes abiertes podrán apuntase en :

• Centros Sociales de Persones Mayores de Les Meanes y Llaranes
• Servicios Sociales, C/ Galiana 11, Avilés. Teléfonos: 985 55 16 20 / 985 54 92 25
• corréu electrónicu: redmayores@aviles.es

El programa d'actividaes ufiertaes ye ésti

Sólo pa persones que yá usen Servicios d'Atención Domiciliaria

1. Camina al to ritmu. Actividá consistente en salir a caminar a un ritmu tranquilu nuna zona verde cerca de la casa.

2. 2. Cafés-Creando redes. Un sábadu al mes organizaráse una actividá de xunión con otres persones del mesmu barriu onde viva la persona, n'horariu de 11 a 13 hores. Ta previsto que se faiga nestes zones: El Carbayedo, Villalegre, Les Meanes, Llano Ponte, L'Arbolón,  Llaranes, El Pozón, La Xungarosa/El barrio de La Luz, Valliniello, Xardín de Cantos y La Carriona.

   3. Salides urbanes. Lo mesmo que l'añu pasáu, habrá salides urbanes interesantes. La empresa d'ayuda en casa y dende Servicios Sociales.

   4.  Actividaes en casa. Pa les persones que tienen más complicao sañir fuera y tienen ayuda del Conceyu en casa:

   • Taller d'estimulación de la memoria. El/la profesional llevará tolo necesario pa facer esta actividá en casa, y proporcionará actividaes a la persona pa reforzar la so memoria esta selmana.
   • Taller de cocina. Informaráse del conteníu de l'actividá a través de les trabayadores familiares.
   • Biblioteca móvil. La persona puede solicitar a préstamu llibros adautados a posibles dificultaes de visión.

        5.    Taller de cantu coral de Persones Usuaries del Serviciu d'Ayuda a Domiciliu. Sigue esti taller que foi nuevu en 2022. Quien quiera participar tien de contactar con AZVASE o colos Servicios Sociales.

   Abiertes a la comunidá, con prioridá pa persones usuaries de Servicios d'Atención Domiciliaria

   6.   Taller Mueve'l to cuerpu, activa la to mente. Taller nel que s'activa la mente y el cuerpu, adautaáu a les necesidaes de cada participante. Dau por una          sicóloga y una terapeuta ocupacional, faise en grupu de 17 a 19 hores nestos sitios y díes:

   • Llunes:  Centru de Serviciu Municipales El Foco, Villalegre
   • Martes: Centru Social pa Persones Mayores de Les Meanes
   • Xueves: Centru Sociocultural de La Carriona
   • Vienres: Centru Social pa Persones Mayores de Llaranes

   Hai un númberu llimitáu de places.

   7.   Charres d'interés. Entrada llibre hasta completar aforu. Fadráse a les 17 hores, nestos díes y espacios:

   • Centru social  de Persones mayores Les Meanes

   -- 20 de xineru de 2023

   -- 17 de febreru de 2023

   -- 16 de marzu de 2023

   • Centru social de Persones mayores Llaranes

   -- 17 de xineru de 2023. 'Ayudes técniques en casa'. Personal de la empresa d'Ayuda a Domiciliu esplicará l'usu de grúaes, cames, silles y otres ayudes pa meyorar la movilidá en casa.

   -- 21 de febreru de 2023

   -- 21 de marzu de 2023

   Toles actividaes tán organizaes polos Servicios Sociales del Conceyu d'Avilés. Coparticipen les empreses que xestionen los Centros Sociales Municipales y de Persones Mayores, l'Ayuda a Domiciliu y la Teleasistencia.