Ayuda
Proyeutos Europeos «Symbols», Fundación Municipal de Cultura d'Avilés
La Fundación Municipal de Cultura d' Avilés ye la cabezalera del proyeutu européu Symbols de promoción del patrimoniu funerariu xunto con socios d'Eslovenia, Italia, Escocia, Francia y Irlanda.
La Fundación Municipal de Cultura d’Avilés ye cabezalera nun nuevu proyeutu européu destináu a la promoción del intercambiu cultural d’artistes y obres d’arte sofitaes en símbolos funerarios de cementerios monumentales europeos, ente ellos el de la Carriona.
Trátase de la iniciativa SYMBOLS Culture of Death & Cultural Life: New Audiences and Creations around European Cementeries (Cultura de la muerte y vida cultural: Nueves audiencies y creaciones colos cementerios europeos), de la que ye cabezalera Avilés y de la que son socios:
• Pogrebno Podjetje Maribor D.D. Empresa pública participada pol Conceyu de Maribor (Eslovenia) responsable de la xestión de los cementerios d’esta ciudá. Anguaño tien la presidencia de l’Asociación Europea de Cementerios Significativos (ASCE).
• Comune di Genova (Italia).
• Dundee and Angus College (Centru Educativu de Dundee) n’Escocia (Reinu Xuníu). Esta institución foi la cabezalera nel proyeutu InCompass nel que tamién participó la Fundación Municipal de Cultura d’Avilés como sociu de referencia y responsable de la comunicación y espardimientu del mesmu.
• Communauté du Communes du Nebbiu (Mancomunidá de Conceyos del norte de Córcega) (Francia).
• Limerick Institute of Technology (Centru Educativu Públicu d’Irlanda) dedicáu a enseñances artístiques y de diseñu.
SYMBOLS ye lo que vien tres d’EUCEMET, el primer proyeutu de la Comisión Europea (C.E.) dedicáu a cementerios y del que tamién foi cabezalera FMC, metiéndose na convocatoria d’Europa Creativa 2014-2020, el nuevu programa d’apoyu a la cultura de la Comisión Europea.
La Fundación Municipal de Cultura d’Avilés presentó esti proyeutu en marzu de 2014 y escoyóse d’ente 337 participantes —31 dende España— xunto con otros 37 proyeutos, 4 d’ellos nacionales, siendo’l d’Avilés l’único que tien como cabezaleru un Ayuntamientu español.
SYMBOLS ye un proyeutu de cooperación multidisciplinar que pretende crear y probar nuevos métodos pa reforzar el conocimientu sobre’l patrimoniu funerariu y acercarlu a públicos nuevos.
OXETIVOS
• Intercambiu tresnacional de trabayos culturales y creativos (movimientu d’artistes y productos)
• Trabayu con nueves audiencies usando cementerios como «museos al aire»
• Promoción del usu de les nueves teunoloxíes de la información
El presupuestu total del proyeutu ye de 360.155,58 euros, de los que la Comisión Europea aportará'l 55% (198.085,57 euros) y los socios el 45% que queda (162.070,01 euros).
Telf.: 985 510 045 / 985 510 452
Fundación Municipal de Cultura
Pz Domingo Álvarez Acebal, 2
33402 Avilés. Asturies
-
Aviles Empresas
-
Personas y Bienestar
-
Medioambiente, Movilidad y Transporte
