Contacto

La recuperación de los Teatros Históricos
Construyíu nel sieglu XX, estilísticamente ye del XIX
Magar que se construyó yá nel sieglu XX, el Teatru Palacio Valdés estilísticamente ye del XIX y sigue'l modelu yá afitáu de sala en planta de ferradura, d'escuela historicista, con un neobarrocu mui mui adornáu qu prestaba muncho nesa época. Esa estética, tan propia d'esi tiempu, tovía presta agora, como si esti aspeutu , nomáu delles veces como "bombonera", fuere metiéndose sele quedando como modelu principal pa los teatros. 

Les lleis del principiu de los ochenta protexeron estos teatros históricos y afayaron que l'Alministración los reformare, en collaboración coles alministaciones Autonómica y Municipal. Como n'otros casos, tamién nel del Palacio Valdés la xente violo bien, porque tovía s'alcordaben del papel históricu del edificiu, anque, en reinaugurándolu la xente nun foi tanto como se pensaba pola sensibilidá que se demostró pa recuperalu. Despaeció'l públicu que se necesitaba pa una programación estable. 

Un teatru pa una ciudá
De tar no más alto a llegar a lo más baxo

Munchos años dempués, en 1972, la supervivencia del teatru diba tar en munchu peligru: el pieslle d'otros 20 años fizo que se viniere a baxo d'una forma mui alarmante, hasta que lu rescataron tando yá casi no último, reformáronlu y entamó a funcionar en 1992. 

Pero, hasta esi momentu, esto ye de tar no más alto a llegar a lo más baxo, el Teatru articuló lo más importante de la vida cultural de la ciudá: per él pasaron compañíes que diben d'un sitiu pa otru, compañíes llariegues de xente aficionao, tolos xéneros qu'ufría la época (drama, comedia, llírica, varietés) y la so actividá nun se llimitó a la programación escénica: el Palalcio Valdés foi un sitiu d'alcuentros, confernecies y mítines.  

La so platea foi un salón de baille y hasta se llegaron a celebrar convites de boda nel so foyer. L'usu que se-y dio dempués como cine anunciaba la so última etapa de decadencia, siguiendo la mesmu camín qu'otros teatros del país, condergaos al pieslle y, en munchos casos, al desapaición. 

Teatru (y) Públicu
El Teatru pasa a ser públicu

La iniciativa de l'Alminsitración Central pa refacer los teatros que tan a puntu de cayer conllevaba tamién el compromisu de les Alministraciones Llocales de facese cargu d'ellos. Asina foi como se puedo cambiar dafechu la situación escénica del país.  
Y foi tamién dende la perspeutiva d'esa recién titularidá garrada (qu'implicaba sobre too la reconocencia plena del tatru como un fechu cultural) dende la que'l Palacio Valdés entamó cola creación de públicos nuevos. 
Dempués d'esti tiempu de dir afitándose poco a poco, el Teatru n'Avilés nun entamó a conocer hasta'l final de los noventa l'aumentu d'espectadores. Ye dende esi momentu cuando la sala entama a enllenase casi toa, amás de crecer muncho l'interés polos abonos, renovables en cada ciclu de temporada.  

Cartelera Llocal
El Teatru como referente de la conciencia ciudadana

Tener un públicu fiel consiguióse manteniendo siempre la mesma llinia de programación que procuró asoleyar lo que se ta faciendo na producción escénica más anguaño, incluyendo estrenos como dalgo mui normal yá n'Avilés. El fechu de que los equipos artísticos y téunicos na ultima fase de los ensayos y l'estrenu de cada montaxe nuevu suponga un averamientu de los y les profesionales, públicu y medios repercutió muncho na bona rellación qu'hai de la ciudá col Teatru. 

Respeuto a la situación de la vida teatral, que nun escapó nos años más recientes a la crisis xeneral qu'hubo, Avilés siguió dende 2013 un modelu propiu: col nome d'escenAvilés xuntóse la programación del Palacio Valdés col Centru Niemeyer, compartiendo crieterios pa ella, espacios de representación, calendarios, espectadores y persones abonaes. La imaxen del teatru va más p'allá de la que tengan los y les espectadores. Ye un referente que, pel so tresfondu cultural, pertenez a la conciencia ciudadana. 
 

Contautu
985 510 452
programacion@aviles.es

Señes
Cai Palacio Valdés, 3
33402 Avilés, Asturies

Mercar entraes
https://www.unientradas.es/janto/main.php#

Redes Sociales
Facebook: https://www.facebook.com/TeatroPalacioValdes/

Instagram: https://www.instagram.com/teatropvaldes/?hl=es

Youtube: https://www.youtube.com/teatropalaciovaldes

Rede Nacional de Teatros

https://www.redescena.net/escenario/38/teatro-palacio-valdes/

+info