Ayuda
La Viesca que se Pue Comer acueye una actividá nueva nel marcu'l programa d'educación ambiental "Avilés Verde". Ye un taller que trata'l tema l'agua, pa un públicu familiar, ye de baldre y nun hai qu'apuntase. Va ser el 10 d'agostu, dende les 12:00 a les 14:00 hores.
Les persones participantes fadrán actividaes pa poder saber cuáles son les carauterístiques y propiedaes del agua, el ciclu d'un recursu que puede escosar y que cada día val más. La bona xestión d'ello ye fundamental pa garantizar un presente sostenible.
Programa "Avilés Verde"
El programa d'educación ambiental "Avilés Verde" ye una iniciativa del Conceyu d'Avilés que ñació en marzu de 2023 col envís de multiplicar na ciudá les aiciones d'espardimientu y sensibilización ambiental contribuyendo a algamar los Oxetivos de Desenvolvimientu Sostenible (ODS) de l'Axenda Urbana Avilés 2030.
Asina, promuévese la rexeneración y activación d'espacios verdes comunitarios, l'agricultura ecolóxica y l'alimentación sana, trabáyase de forma entexeneracional pa dar vida a espacios verdes nuevos d'una forma activa y inclusiva y da puxu al conocimientu y respetu de la biodiversidá y el valir de les contornes naturales.
Van desenvolvese un total de 48 actividaes, toes de baldre, en diferentes espacios de la ciudá:
- 32 fines de selmana con actividá na Viesca que se Pue Comer
- 8 Talleres formativos con AMPAS de centros educativos
- 8 Talleres formativos con GÜERTES URBANES
La Viesca que se pue Comer
La Viesca que se Pue Comer ta nun prau del Conceyu d'Avilés nel barriu d'El Quirinal, onde davezu se faen talleres pa families, entidaes, centros educativos y pa la mocedá en xeneral. Mide
- Medioambiente, Movilidad y Transporte
- Personas y Bienestar