¿Qué competiciones hai?
XXVII TORNÉU SAN AGUSTÍN DE TENIS
Entama: Real Club de Tenis d'Avilés
Del 21 al 27 d'agostu. Club de Tenis d'Avilés
Espérase la participación d'un cientu tenistes nes categoríes, masculines y femenines, de Benxamín, Alevín, Infantil, Cadete, Absolutu, Veteranos +35 y Veteranos +45. Los partidos disputaránse en 6 pistes, en superficies de tierra y rápida.
II TROFÉU SAN AGUSTÍN DE BALONMANO
Entama: Asociación Atlética Avilesina
24 d'agostu. Complexu Deportivu de La Madalena.
Dende les 19:30 hores, el II Troféu San Agustín de Balonmano, enfrentara a los equipos Atlética Avilesina y Grupu Covadonga IMQ, los dos de 1ª Nacional Masculina. Sedrá la presentación oficial del primer equipu de balonmano de l'Atlética pa la temporada 2023/24 delantre'l so públicu. La entrada sedrá llibre hasta completar aforu.
XXI TORNÉU SAN AGUSTÍN DE PÁDEL
Entama: Real Club de Tenis d'Avilés
Del 25 al 27 d'agostu. Club de Tenis d'Avilés
Unes 70 pareyes de toa Asturies, na categoría absoluta, lo mesmo masculina como femenina, competirán nel Tornéu San Agustín de Tenis na so ventiún edición. Ye la quinta prueba del circuitu federáu asturianu. P'apuntase puede faces hasta les 12.00 hores del miércoles 23 d'agostu.
XXXIV TROFÉU SAN AGUSTÍN DE FÚTBOL
Entama: Real Avilés Industrial CF
26 d'agostu. Campu de fútbol Román Suárez Puerta.
La trenta y cuatro edición del pernomáu Troféu San Agustín medirá al Real Avilés Industrial col Bilbao Athletic, l'equipu filial del Athletic Club de Bilbao. El partíu, que va empezar a les 19:00 hores, sedrá'l pieslle de la pretemporada del conxuntu avilesín.
XXXV TORNÉU DE TIRU CON ARCU “SAN AGUSTÍN”
Entama: Club Arcos de Texu.
26 d'agostu. Complexu Deportivu Miranda.
El Tornéu San Agustín de tiru con arcu ye la competición que tien más tiempu dientro'l tiru con arcu n'Asturies. Na so trenta y cinco edición tendrá unos 50 participantes. La competición sedrá de
XV OPEN CALLEDREZ "SAN AGUSTÍN-MEMORIAL EMILIANO MORENO"
Entama: Grupu Empresa Ensidesa d'Axedrez.
26 d'agostu. Plaza de Les Aceñes (Hermanos Orbón)
Va empezar a les 16:00 hores hasta les 21:00 hores, disputándose na modalidá d'Axedrez Rápidu teniendo 8 minutos pa tola partida, más 3 segundos pa cada xugada. Tolos y toles participantes (alredor de 80) disputarán un total de 8 partíes con sistema d'empareyamientos Suizu.
Al empar disputaráse la X edición del Calledrez Junior, pa neños y neñes d'hasta 14 años.
Los premios daránse a partir de les 20:30 hores.
ALCUENTRU NACIONAL DE PETANCA "VILLA D'AVILÉS"
Entama: Club Petanca Villa d'Avilés
27 d'agostu. Complexu Deportivu de Miranda.
El tornéu empieza a les 8:00 la mañana y temina a les 8 la tarde, cola participación d'equipos de les federaciones asturiana, gallega y castellán lleonesa, que presentarán a unes 40 dupletes en categoría Senior.
- Deportes