![](/documents/20124/1656904/origen_1_edit_Portal.jpg/9ea7b2e3-6102-ee07-9804-ace3f83b8a51?t=1715599444808)
VII Convocatoria Internacional d'Arte Postal n'Avilés: l'orixen
VII Esposición Internacional d'Arte Postal n'Avilés: l'orixen
Palaciu de Valdecarzana, 23 de marzu a 17 de mayu de 2023
La VII Esposición Internacional d'Arte Postal n'Avilés col lema «l'orixen», yá ye una plataforma mundial d'arte per corréu onde cientos de mailartistes dexen les so obres y que tien una presencia grande nes redes globales más importantes d'esti movimientu democráticu, creativu y cultural. Una esposición qu'amás de ser un aliciente pa los y les creadores de casa, ye un exemplu d'intercabiu cultural, al xunir artistes que vienen de sitios mui varias y diferentes, col enfotu nes mesmes coses, dexando claro lo importante que ye la cultura como elementu d'integración y socialización, como cementu pa construyir sociedaes más intelixentes, más solidaries, creatives y innovadores; poro, más crítiques y tolerantes.
La VII Esposición Internacional d'Arte Postal n'Avilés, col lema «l'orixen», xuntó 500 obres postales que vienen de 54 países y estaos diferentes: Alemania, Argentina, Arizona, Australia, Austria, Bélxica, Brasil, Bulgaria, California, Canadá, Chequia, Chile, China, Croacia, Dinamarca, Ecuador, España, Finlandia, Francia, Grecia, Hungría, India, Inglaterra, Irlanda, Italia, Xapón, Los Ánxeles, Macedonia, Malasia, Massachusetts, México, Nevada, Noruega, Nueva York, Nueva Zelanda, Ohio, Países Baxos, Polonia, Portugal, República Checa, Rumanía, Rusia, Serbia, Singapur, Suecia, Suiza, Tennessee, Texas, Turquía, Ucrania, Uruguay, Venezuela, Virxinia, Washington DC.
En piesllando la esposición, el Muséu Postal y Telegráficu que CORREOS tien en Madrid abrirá pal públicu una esposición permanente con una esbilla de 40 obres escoyíes ente toles que cuelguen n'Avilés, dando abeyugu per corréu nos fondos de la institución.
Los centros educativos participen muncho nello, lo mesmo avilesinos, que d'otros sitios d'Asturies o d'España y tamién de centros internacionales: Escuela d'Artes y Oficios d'Avilés, CAI Villalegre (FASAD), IES Carreño Miranda (Avilés), IES Menéndez Pidal (Avilés), Fundación Vinjoy, Centru de
Normalización a Través del Arte (Uviéu), Escuela de Cerámica «Alfar Arias» (Ciudad Real). Yá dende un orixen internacional, en concretu dende Turquía, participaron profesores y alumnáu de les universidaes rellacionaes col arte y otrs rames del conocimientu de Trakya Üniversitesi, d'Adiyaman Üniversitesi (ADYÜ), de Namik Kemal Üniversitesi (GSTM), Selçuk Üniversitesi Güzel Sanatlar Fakültesi BôlüMçmü, o de Balikesir University Fine Arts Faculty Departamen of Graphic Arts.
Dende Rumanía los centros Liceul cu Program Sportiv y la coala Gimnaziala NR. 8 Braon. Dende Brasil fueron la Universidá Federal de Santa María o l'Institutu Federal de Santa Catarina (IFSC).La VII Esposición Internacional d'Arte Postal n'Avilés, col lema «l'orixen» ye dafechu un ensame de valores, pensamientos, idees, denuncies y propuestes que qu'enllenen les muries del Palaciu de Valdecarzana y que nutren la rede de mailartistes qu'entamó n'Avilés en 2016 cola primer convocatoria, una rede estupendísima de persones maraviyoses que tán xuntes solidariamente pa facer realidá un proyeutu coleutivu, formando ente toos un universu democratizáu y igualador de muyeres y homes con idees y sentimientos comunes, dando-y sentidu al conceutu más puru de Mail Art.
Gracies mailartistes!!!
Ricardo F
Coordinador de la VII Esposición Internacional d'Arte Postal n'Avilés
Bases
-
Aviles Empresas
-
Personas y Bienestar
-
Personas y Bienestar
-
Personas y Bienestar