Contacto

L'Espaciu Maqua sedrá la sede de la sesta edición del Avilés Weekend emprendedor que se va facer los díes 21, 22 y 23 d'ochobre. Xuntará 25 persones con idees empresariales, a les que se-yos dará medios pa facer que los sos proyeutos  sigan p'alantre. La seición de Promoción Empresarial del Conceyu d'Avilés escoyerá a les persones según la calidá de les sos idees.   

Les persones que quieran apuntase pueden facelo na web : www.avilesweekendemprendedor.org

L'eventu va afayar un especiu de creatividá pa trabayar en collaboración con espertos y espertes en mateires diferentes p'amestar idees talentoses, onde'l trabayu n'equipu con esfuerzu y responsabilidá social pueden llegar a construyir proyeutos con futuru empresarial. 

Nes 30 hores repartíes en 3 xornaes van presentase y valorase toles idees que s'aporten. Les tres más votaes tendrán un desendolcu intensivu en delles fases como hasta onde se pue llegar con esi proyeutu, l'analís de si ye posible llevalu a cabu, el diseñu del plan de marketing o la creación d'una imaxen corporativa, ente otres. Too esto usando metodoloxía  Lean que dexen validar y "prototipar" la idea de negociu. 

L'oxetivu final de l'actividá ye llegar a que, nel momentu nel que se termine, afitar les bases de tres proyeutos empresariales de verdá. Falamos d'una iniciativa que xune  a persones que nun tienen trabayu, profesionales, cabeces inquietes y emprendedores con idees, a les ya los que se-yos dean medios p'acelerar el desarrollu de los sos proyeutos. Afaya un espaciu de creatividá, espoxigue empresarial y deprendimientu onde trabayar n'ensame con persones espertes en delles materies, conocer y facer networking con xente nuevo de perfiles diferentes, pa xuntar idees talentoses, onde'l trabayu n'equipu con esfuerzu y responsabilidá social puede llevantar proyeutos con futuru empresarial.

L'Avilés Weekend Emprendedor echó a andar en 2016, dientro'l proyeutu Avilés Cern Emprendedor, proyeutu pa laxente mozo emprendedor y financiáu pol Fondu Social Européu. Los bonos resultaos fueron mui importantes pa que se metieren nel programa apl añu les actividaes poles que se puxa dende l'área de Promoción Económica del Conceyu, pasando a facese tolos años.