Ayuda
Un año más entama 'Natación Familiar' na piscina del Complexu Deportivu Avilés, tolos sábados de 16:30 a 19:30 hores. Ye una actividá de participación llibre y nun se necesita apuntase primero, l'únicu llímite ye'l del aforu la piscina que ye de 30 persones.
Gracies a 'Natación Familiar' el vasu la piscina d'El Quirinal onde se deprende conviértese los sábados pola tarde nun espaciu ampliu de xuegu pa disfrutar del agua en familia, disponiendo del material recreativu de la instalación pa xuegu llibre. Los y les menores tienen de dir con persones adultes.
La piscina tien un monitor/a pa prestar el material disponible y pa una supervisión y control xeneral, ensin dirixir l'actividá. Les families participantes organicen los sos propios xuegos al empar que se practica un deporte tan completu como ye la natación.
El preciu de la entrada ye'l marcáu na ordenanza de precios públicos de la Fundación Deportiva Municipal:
- Menores de 14 años 1,95€
- Dende los 14 años 3,30€
Los díes nos qu'haya competición na piscina del Complexu Deportivu Avilés, l'actividá va llevate a la piscina del Complexu Deportivu La Madalena nel mesmu horariu. Por eso ye necesario consultar el calendariu nos tablones d'anuncios.
- Deportes