Contacto

XVI Amuesa de Teatru Amateur d'Avilés

Auditoriu del Centru Cultural de Los Canapés, 19:00 h, con entrada llibre y de baldre

La XVI Amuesa de Teatru Amateur d'Avilés pieslla'l 2022 encarando'l segundu ciclu del añu, con una programación qu'inclui seis funciones, amás de la Gala Fin de l'Amuesa, n'ochobre y payares. 

Son cinco comedies y un drama, que toquen el costumismu, la risa y l'esprdimientu ensin dexar de llau toques de crítica y tresfondu social, a cargu de compañíes asturianes de la escena aficionada mui nomaes y de siempre n'Avilés, como Teatru Carbayín, Padre Coll, Maliayo Teatru, Teatru El Hórreo y Irónico Teatru, amás de la función d'intercambiu, a cargu de Teatro EnObras, de Castilla y Lleón. 

L'Amuesa tien un públicu fiel, que volvió fuerte dempués de la pandemia y les sos torgues, y que nes seis representaciones primeres del ciclu, na primer parte l'añu, superaron la media de 100 espectadores por cada función, nun total de 702. 

Programa
17 d'ochobre, llunes. Teatru Carbayín. Ya somos democráticos
24 d'ochobre, llunes. Padre Coll. Vivo dientro de mi
7 de payares, llunes. Maliayo Teatro. Son... risas y mascarillas (Son rises y mázcares)
12 de payares, sábadu. Teatro EnObras. Volpone (Compañía Intercambio, Lleón)
14 de payares, llunes. Teatru El Hórreo. Soluciones bajo cero (Soluciones baxo cero)
21 de payares, llunes. Irónico Teatru. Mira como me siento
28 de payares, llunes. Gala Pieslle de la XVI Amuesa de Teatru Amateur

Resúmenes
Ya somos democráticos
Teatru Carbayín remóntase a les primeres eleiciones democrátiques municipales, con una comedia en clave política escrita por José Ramón Oliva, que tamién la dirixe, na que Blas preséntase como alcalde y pa echa-y un gabitu tán Xuacu, que nun ta biena cabáu, y Toña, la dueña d'un chigre d'esti sitiu. 

Vivo dientro de mi
Teatru Padre Coll fai un viaxe nel tiempu hasta los años 60 del sieglu pasáu. Fausto, de bona familia, mantién la so condición sexual atapecía, hasta que too se pon en peligru al llegar un vendedor de seguros falsos y el so cómplice. Una com,edia d'enredos escrita por Fernando Valle Campal, dirixía por Juan José Navarrete. 

Son... risas y mascarillas(Son...rises y mácares)
Nesta obra de Maliayo Teatro, Manuel Valiente escribe y dirixe, xunto a Nuria Sánchez, una propuesta na que lo de tolos díes entama con una sonrisa, con histories de güei, buscando qué hai debaxo d'eses 17 variedaes de mázcares que conocemos, pero que nun sabemos de qué tán feches, buscando la opinión de tantos espertos qu'hai...

Volpone
Teatru EnObras rescata la figura del noble venecianu Volpone sobre la qu'escribiera Ben Jonson, con adautación y direición de Mercedes Saiz. Volpone, ensin herederos, intenta engañar a los sos vecinos y vecines, que busquen tar nel testamentu, faciendo como que ta morriendo dempués de tar malu munchu tiempu. Una comedia d'engaños, traiciones, mui movida. 

Soluciones bajo cero(Soluciones baxo cero)
Mayusa J. Banciella adauta la comedia "El pueblu má cutre d'España", de Jean-Pierre Martínez, cola direición de Chusa Juarros pa Teatru El Hórreo, na que les cuatro persones que viven nun pueblu que va desapaecer busquen soluciones pa recuperar la bayura que se perdiere, hasta que llega un periodista que van enredar les idees pelegrines que tienen l'alcalde y el cura...

Mira cómo me siento
Un drama tratáu con humor, ye lo que propón Irónico Teatru, con Carlos Martínez como autor y direutor. Un mundu de rellaciones sociales y familiares, entemeciendo emociones, alcordances y secretos, onde Andrés, que padez una enfermedá neurolóxica, tien duldes abondo yá a lo cabero de la so vida.