Ayuda
Yá se pueden mercar les entraes pal conciertu de la mexincana Lila Dows que va llegar el Teatru Palacio Valdés el día 8 d'ochobre dientro de les sos actuaciones per europa y en concreto per España "Volver Tour". Venderánse nes canales normales https://uniticket.janto.es/palaciovaldes/public/janto/main.phpy na taquilla del teatru dos hores enantes del conciertu. Con precios dende 18 euros hasta 36 la más cara.
La cantante y compositora mexicana, ganadora del Grammy y de 6 Latin Grammy, ye una de les voces más poderoses y especiales qu'hai anguaño. La so presencia simbólica nun escenariu, contando histories enforma emotives, reblagó toles barreres del llinguax. Lila Downs ye una de les artistes más nomaes y premiaes d'américa Llatina y va xubise al escenariu del Teatru Palacio Valdés, el 8 d'ochobre (20:30 hores), cola xira "Volver Tour", na que va traer temes nuevos, como "Tortolita", "Mandimbo", "Mirror" y "Dark eyes", canciones populares y otres del so discu "Al Chile".
Nel repertoriu del espectáculu ‘Volver Tour’ nun van faltar les canciones del so discu ‘Al Chile’, como el ‘Son del chile frito’, ‘Cariñito’, ‘San Marqueña’, ‘La Campanera’ y otros temes populares como ‘Urge’, ‘Vámonos’ ‘La Martiniana’, ‘Naila’, ‘Mezcalito’, ‘Zapata’, ‘Cucurrucucú’, ‘Cumbia del Mole’ y dalgunos estrenos como ‘Tortolita’, ‘Mandimbo’, ‘Mirror’ y ‘Dark eyes’.
Nacida y criada n'Oaxaca y en Minnesota, fía d'una muyer indíxena mixteca y de pá angloamericanu. Escribió narratives de resistencia indíxena con munchu procuru pa coles les plantes y comides sagraes de la cultura oaxaqueña, respetando les tradiciones del continente americanu.
Les lletres de Lila Downs, davezu, marquen rellatos que falen d'inxusticia social y d'histories atapecíes de muyeres trabayadores de Llatinoamérica d'orixen indíxena.
Nes sos actuaciones per Europa acompáñala la Banda "La Peligrosa" colos músicos George Saenz (acurdión, trombón, coros y direutor musical), Lautaro Burgos (batería), Luis Guzmán (baxu), Rafa Gómez (guitarra y coros), Nikki Campbell (percusiones), Sinuhe Padilla (xarana, guitarra, coros y zapateáu) y Josh Deutsch (trompeta).
- Cultura