Resumen

Proyeutos Europeos «Z Elements»

La Fundación de Cultura ye cabezalera del proyeutu européu ZElements, d'intercambiu cultural d'artistes mozos y moces d'Europa

 
Información

La Fundación Municipal de Cultura d'Avilés ye cabezalera d'un proyeutu européu nuevu destináu al intercambiu cultural ente artistes y nuevos de la llamada Xeneración Z, col fin de crear obres inspiraes elementos clásicos (agua, fueu, tierra y éter), y de facilitar la so posterior distribución al traviés de redes sociales y plataformes.

Tratar de la iniciativa Z Elements, Artistic experiences and exchanges to attract a younger audience through Transmedia co-creations (Esperiencies y intercambios artísticos p'atrayer al públicu nuevu al traviés de co-creaciones Transmedia), que'l Programa Europa Creativa de la Comisión Europea acaba d'escoyer.

Esti proyeutu, llideráu por Avilés, tien estos socios internacionales:

MAXLab (Media Arts Experiment Laboratory) de l'Academia Real de Belles Artes d'Amberes (Bélxica)

Academia de Belles Artes de Verona (Italia)

Asociación cultural KULTURANOVA, en Novi Sad (Serbia - Capital Europea de la Cultura en 2021)

Escuela Superior Europea d'Arte de Bretaña (Francia)

La Xeneración Z ta formada por mozos y moces que crecieron nos últimos años de la crisis económica, na so mayoría nacíos ente mediaos de los años 90 y 2010. Representen el 25% de la población mundial y tienen una capacidá pa influyir mui grande que los y les convierte nun oxetivu decisivu, particularmente pa les Industries Culturales y Creatives.

 
Considérase como la primer xeneración de nativos dixitales, que creció permanentemente conectada nun entornu multipantalla, familiarizada con cualquier cosa rellacionada con Internet o'l multitarea dixital. Por cuenta del so perfil dixital, munches instituciones culturales -incluyendo la rede d'infraestructures culturales d'Avilés- y artistes tradicionales atopen munches trabes pa que participen na vida cultural.
 

Valoración perbona
La Fundación Municipal de Cultura presentó esti proyeutu a la última convocatoria del programa Europa Creativa, nel que sólo s'escoyeron 6 proyeutos españoles (4 presentaos dende Cataluña, 1 dende Valencia, y ésti dende Asturies), llogrando una valoración perbona de 90/100 puntos por parte de los y les evaluadores de la Comisión Europea.

 
El presupuestu total del proyectu ye de 382.242,52 €. La Comisión Europea va apurrir el 52%  (200.000 €) y los socios el 48% restante (182.242,52 €).
 

Oxetivos del programa 

ZElements va llevar a cabu una riestra actividaes p¡'algamar los estos oxetivos, compartíos cola Comisión Europea y los socios:

  • Desenvolvimientu del públicu. Al traviés de la participación d'unos 75 persones moces voluntaries na co-creación y co-comisariáu d'obres, en talleres con artistes. El proyectu tamién va desenvolver delles investigaciones pa identificar y mapear les bones práctiques y tendencies escontra la e-distribución de bienes culturales que lleguen meyor a la mocedá.
  • Movilidaes. Al traviés de la participación 20 artistes de distintos campos en 4 residencies artístiques (una d'elles, na Factoría Cultural d'Avilés) pa la producción d'obres y performances inspiraes nos elementos clásicos (Agua, Fueu, Tierra y Éter). Nesti campu, hai de destacar que la esperiencia de la Factoría Cultural d'Avilés en téuniques como'l Raku (en rellación col fueu) y la Nueche Negra valoráronse mui positivamente. Pasa lo mesmo cola esperiencia del sociu francés n'organizar residencies artístiques en rellación col agua (nun barcu-taller).
  • Capacitación. Práutiques dixitales nueves. Formación de participantes en téuniques de «Transmedia Storytelling», faciendo talleres y de tutoríes en procesos de tresformamientu dixital.

Otros proyectos europeos d'Avilés. Noticies del proyeutu Wom@rts

Tres el so pasu pola UGM -Maribor Art Gallery (Eslovenia)-, la esposición del proyectu Wom@rts sigue percorriendo Europa. Ayeri inauguróse na capital de Lituania, Vilnius, antes de viaxar a Santiago de Compostela (seronda/iviernu 2019), Angoulême (en paralelu al festival del cómic 2020), Rijeka (nel marcu de la Capitalidad Cultural Europea d'esta ciudá croata) y Limerick.

Esta esposición, que tien como filu conductor la obra El segundu sexu, de Simone de Beauvoir, va poder esfrutase n'Avilés na seronda 2020.

 
Nella participen 6 artistes asturianes venceyaes a la Factoría Cultural: Cristina Bustu y María Castellanos (Arte Dixital); Raquel Lagartos y Nano González (Ilustración); Fernanda Álvarez y Marta Fermín (Grabáu).

Contautu

Telf.: 985 510 045 / 985 510 452

Señes

Fundación Municipal de Cultura
Pz Domingo Álvarez Acebal, 2
33402 Avilés. Asturies

 

 

< Volver

Últimas noticias