![](/documents/20124/638624/Parque+de+Ferrera++Jard%C3%ADn+Franc%C3%A9s+F01F06_resized.jpg/d5281b4e-2dfa-38b5-31e3-f9812419e161?t=1632468064432)
Parque Ferrera
Avilés tien trece parques públicos qu'ocupen una superficie de 272.000 m2. El más grande (81.00 m2) y el que más s'usa ye'l Ferrera, ún de los más importantes y vistosu d'Asturies.
El parque Ferrera, el pulmón del centru la ciudá, ye un espaciu natural bien grande, guapu y tranquilu que cientos de persones, de toles xeneraciones, aprecien y disfruten tolos díes.
El marquesáu de Ferrera foi munchu tiempu el propietariu d'él, y tuvo dientro la finca'l palaciu del mesmu nome. El Conceyu d'Avilés comprólu pa da-y un usu públicu y inaugurólu'l Rei Juan Carlos I en mayu de 1976.
Tien dos partes mui diferentes una d'otra: el parque d'estilu inglés y el Xardín Francés. Nel primeru podemos atopar espacios mui abiertos con rau, estanque de los patos y zones de viesca con exemplares centenarios de texos, cedros, pinos, carbayos, bidules, castañales, etc. El segundu tien tolos elementos que definenun xardín palaciegu: arboláu, pérgoles, fontes y trazáu especial de buxu configurando los "parterres".
El parque tien munchos bancos, amás de parque infantil, zones marcaes y con aparatos pa facer ximnasia, hemeroteca, quiscu de la música, ediciu de La Noria pa educación medioambiental, baños públicos, etc.
Ábrese a les 7:00 hores y pieslla a les 23:00, teniendo cinco entraes: peles cais Galiana, Rivero, Cervantes, del Marqués y tamién pela Casa la Cultura.
Más información en Parques y Xardines.
-
Fiestas y Festejos
-
Igualdad
-
Fiestas y Festejos
-
Fiestas y Festejos