Contacto

El Conceyu d'Avilés tien abiertu dende güei día 5 de setiembre'l plazu pa la presentación de solicitúes por parte de les entidaes deportives avilesines ensin animu de lucru pa puxar pol deporte base nos centros educativos públicos d'Avilés pal cursu escolar 2024/2025. Hai una partida nos presupuestos municipales de 142.500 euros na Fundación Deportiva Municipal. 

Les solicitúes pueden facese na sede electrónica municipal. Xunto al impresu normalizáu correspondiente, les entidaes tendrán qu'aportar esta documentación::

• Proyeutu téunicu nel que se desarrollen estos apartaos:
  1. Planificación del programa
     • Desarrollu especificu y detalláu del proyeutu afayadizu pa los oxetivos del programa
     • Cronograma de la programación deportiva
     • Metodoloxía del desenvolvimientu de les actividaes
  2. Desenvolvimientu de les aiciones que se planteguen, pa facer el siguimientu de les actividaes deportives que se decidan
  3. Desenvolvimientu de la metodoloxía pa llevar a cabu la evaluación del programa

            * Nel supuestu  de que se soliciten actividaes de varies modalidaes deportives por una mesma entidá, tendrá de presentase un proyeutu por caúna d'elles.

• Documentu acreditativu que xustifique la titulación de la persona que lleve a cabu la coordinación del programa y la so rellación cola entidá.

• Documentu acreditativu, de la Federación Deportiva competente, nel que s'informe del númberu de deportistes con llicencia federativa na temporada 2023 - 2024, desglosáu por sexos y categoríes d'edaes.

Tola información sobre la convocatoria asina como les instrucciones y documentos necesarios pa tramitar les solicitúes pueden atopase na sede electrónica municipal: 

https://sedeelectronica.aviles.es/PublicacionTabs.aspx?tab=12&id=19734&t=S&x=1EhJ/6w8TQpLn3FUaxRBIg

Balance

Nel cursu 2023/2024 beneficiáronse d'estes ayudes 11 entidaes deportives del Conceyu que se repartieron 138.309,60 € euros.

1.      ESCUELA ASTURIANA DE GIMNASIA RÍTMICA VALOE      8.162,20 €

2.      AGRUPACIÓN DEPORTIVA LA CURTIDORA                      22.983,60 €

3.      CLUB PATÍN VIRGEN DE LA LUZ                                       3.982,60 €

4.      ASOCIACIÓN ATLÉTICA AVILESINA                                 35.483,40 €

5.      NAVARRO CLUB DE FÚTBOL                                           25.616,10 €

6.      GRUPO DE EMPRESA ENSIDESA DE AJEDREZ              1.970,40 €

7.      CLUB AJEDREZ PEÓN ESCARLATA                                  1.970,40 €

8.      CLUB KARATE AVILÉS                                                        1.773,90 €

9.      ARTES MARCIALES JUDO AVILÉS                                     8.457,20 €

10.   CLUB DEPORTIVO AVILÉS SUR L                                      8.948,20 €

11.   AGRUPACIÓN DEPORTIVA BALONCESTO AVILÉS        18.961,60 €