Contacto

El Festival Intercélticu d'Avilés y la Redolada, na so 27ª edición, llenará otra vegada más la ciudá de música, actividaes y cultura celta del 20 al 28 de xunetu. Esti eventu, que ye Fiesta d'Interés Turísticu Rexonal dende 2008, volverá a tener el so epicentru na pista La Esposición, onde se van facer la mayoría de les actividaes.

El Festival presentóse güei pela mañana na Casa Conceyu cola presencia de la conceyala de Cultura Yolanda Alonso y del direutor del Festival, Juan Luís Casas. La conceyala destacó'l sofitu dende'l principiu del Conceyu d'Avilés a un festival que contribuye a la dinamización enonómica, turística y cultural d'Avilés. "Pal Conceyu  nun ye un gastu, ye una inversión", faciendo alcordanza de los 25.000 euros que tolos años aporta'l Consistoriu, amás del agospiu que se-yos da a los músicos, sorrayando'l compromisu que se vien teniendo cola cultura celta. 

Juan Luis Casas, destacó que l'Intercélticu d'Avilés "ye'll meyor intercélticu d'España" y qu'a nivel européu ta nel top 5, y en cuantes a la programación y el so contenidu aseguró que cada día de la cita avilesina val por un festival en munchos sitios.

El Festival Intercélticu d'Avilés y Comarca ye una cita bien afitada del veranu asturianu atrayendo a importantes grupos folklóricos y musicales de distintos países celtes como Escocia, Irlanda y Bretaña. Esti añu, destacarán actuaciones d'artistes de munchu renome como Ross Ainslie & Tim Edey d'Escocia, Stolen Notes de Celtiberia, y Damsha na hÉireann d'Irlanda. Tamién participarán grupos llariegos como Esbardu y Tejedor, que llevarán el folklore asturianu al escenariu internacional.

Amás de los conciertos, el festival ufrirá munches actividaes pa toles edaes. Los y les visitantes podrán disfrutar de talleres de baille tradicional, amueses d'arte rellacionaes cola mitoloxía asturiana, y esi mercaáu celta vibrente qu'ofrecerá artesanía y gastronomía típica. La "Aldea Celta" en La Esposición sedrá'l noyu d'estes actividaes, ayayando un espaciu nel que les persones que vayan podrán calase na cultura celta.

Los pasacais sedrán ún de los puntos cimeros del festival, con desfiles diarios que percorrerán les principales cais d'Avilés, enllenando la ciudá de música y color. Estos desfiles tarán encabezaos por bandes de gaites y grupos de danza qu'enseñarán la bayura de la tradición celta.

Programación completa y más información en: www.intercelticu.com